Կես միլիոն դրամի հասնող բաժնետոմս. «Փաստ»

«Փաստ» օրաթերթը գրում է.

Տրանսպորտի, կապի և տեղեկատվական տեխնոլոգիաների նախարարի առաջին տեղակալ Գագիկ Գրիգորյանը Բարձրաստիճան պաշտոնատար անձանց էթիկայի հանձնաժողովին ներկայացրած 2017 թ. պաշտոնը ստանձնելու հայտարարագրում գրառել է արժեթղթեր ու ներդրումներ ունենալու մասին տվյալներ:

Մասնավորապես, հայտարարագրից տեղեկանում ենք, որ Գրիգորյանն ունի 427 հազար 800 դրամ արժողությամբ բաժնետոմս: Դրամական միջոցները կազմում են 48 հազար ամերիկյան դոլար, 16 հազար եվրո ու 8 միլիոն 500 հազար դրամ: Եկամուտներն էլ ստացվել են աշխատավարձից ու կազմել 5 միլիոն 322 հազար դրամ:

Գրիգորյանը հայտարարագրել է նաև հինգ անուն անշարժ գույք, որից երկուական հողամաս ու բնակարան և մեկ այգետնակ:

Հավելենք, որ մինչ այս նշանակումը, Գրիգորյանը եղել է նույն կառույցի աշխատակազմի ղեկավարը, իսկ դրանից առաջ էլ՝ 2013–2017 թթ., մինչ նախարարությունների կցումը Տրանսպորտի և կապի նախարարության աշխատակազմի ղեկավար:

Շարունակությունը՝ «Փաստ» օրաթերթի այսօրվա համարում