Ծաղկալանջում մնացին երկուսը՝ ՀՀԿ–ականն ու անկուսակցականը. «Փաստ»
«Փաստ» օրաթերթը գրում է.
Նոյեմբերի 5–ին կայանալիք ՏԻՄ ընտրությունների ժամանակ համայնքի ղեկավար կընտրեն նաև Արմավիրի մարզի Ծաղկալանջ համայնքի բնակիչները: «Փաստի» տեղեկություններով այս համայնքում առաջադրված երեք թեկնածուներից մեկը՝ «Քաղաքացիական պայմանագիր» կուսակցության ներկայացուցիչ Օնիկ Զաքարյանն այս պահի դրությամբ արդեն ինքնաբացարկի դիմում է ներկայացրել: Հետագա պայքարը կշարունակեն համայնքի ներկա ղեկավար, ՀՀԿ–ական Մանվել Մկրտչյանը և անկուսակցական, Մերձավանի կոնյակի գործարանի աշխատակազմի ղեկավար Հայկարամ Պետրոսյանը:
Ի դեպ, բոլորն էլ ինքնաառաջադրված թեկնածուներ են և նույնիսկ ՀՀԿ–ական համայնքապետին հարազատ կուսակցությունը չի սատարելու: Չնայած այս ամենին, նախնական տվյալներով 1156 ընտրող ունեցող համայնքում բոլորն իրար ճանաչում են և թեև խուսափում են նախընտրած թեկնածուի անուն նշել, բայց իրենց հոգու խորքում արդեն գիտեն, թե ում են ընտրելու:
Համայնքի ղեկավարը հոկտեմբերի 10–ից արձակուրդում է և զբաղվում է իր քարոզարշավով, բայց թե ինչ նախընտրական ծրագրով է ներկայանում համայնքի անդամներին, Ծաղկալանջի մեր զրուցակիցը չգիտեր:
«Ես ծանոթ չեմ, թե Մանվել Մկրտչյանն այս անգամ ինչ ծրագրով է ներկայանալու ընտրողներին: Մեր գյուղում բոլորը միմյանց ճանաչում են, երկու թեկնածուներին էլ լավ գիտեն: Անցյալ ընտրությունների ժամանակ նորից նույն թեկնածուներն էին առաջադրված, բայց գործող համայնքապետը ձայների զգալի տարբերությամբ հաղթեց: Տեսնենք` այս անգամ ինչպես կլինի: Ընտրողն է որոշում, ում ձայնը տվեց, նա էլ կընտրվի»,– ասաց մեր զրուցակիցը, ով չցանկացավ, որ իր անունը հրապարակենք:
Ինչ վերաբերում է նախընտրական լարվածությանը, մեր զրուցակիցն ասաց, որ իրենց գյուղում երբեք լարվածություն չի լինում: Բոլորն էլ հասկանում են, որ ընտրությունից հետո էլ կյանք կա ու պետք է շարունակեն կրկին համերաշխ ապրել: Հարցին, որ եթե այդքան համերաշխ են, ինչու «Քաղաքացիական պայմանագիր» կուսակցության ներկայացուցիչը ինքնաբացարկի դիմում ներկայացրեց, մեր զրուցակիցն ասաց.
«Ինչ իմանամ, երևի իր շանսերն այնքան էլ մեծ չեն եղել, այդ պատճառով էլ որոշել է դուրս գալ ընտրապայքարից»:
Շարունակությունը՝ «Փաստ» օրաթերթի այսօրվա համարում
Փաշինյանը չկարողացավ ստանալ քվեների 50%-ը՝ բոլոր խախտումներով հանդերձ․ Ավետիք Չալաբյան
Որպես պատասխանատու քաղաքական ուժ տեր ենք և հաշվետու մեզ վստահված քվեների համար․ Մարիաննա Ղահրամանյան
Հասարակությունը հաշտ չէ ստեղծված իրավիճակի հետ․ Ատոմ Մխիթարյան
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Սամվել Կարապետյանի ընկերությունների շրջանառությունը Հայաստանի հետ ավելի շատ է, քան ամբողջ Հայաստանի ...
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
«Քրիստոնեական համերաշխություն» միջազգային իրավապաշտպան կազմակերպությունը խոր մտահոգություն է հայտնու...
Էլեկտրաէներգիայի անջատումներ Երևանի 7 վարչական շրջաններում և բոլոր 10 մարզերում
Արտաշատում մսամթերքի արտադրամասի գործունեություն է կասեցվել
