Փաշինյանը փակում է Արցախի էջը
Նիկոլ Փաշինյանը երեկ տեսաուղերձով դիմել է հանրությանը, ծավալուն ելույթում ադրբեջանական մի շարք նարատիվներ տարածել, փորձել ստվերել անկախության և Արցախի ազատագրության պայքարը, նաև հարմարվողականության, հանդուրժողականության և հանձնվելու ծպտյալ կոչեր արել։ Փաստացի, Փաշինյանն ու իր իշխանությունը լեգիտիմացնում են «հանուն խաղաղության» ամեն ինչ հանձնելու իրենց քաղաքականությունը։
Ելույթը, իհարկե, բազմաթիվ վտանգավոր ու դավաճանական թեզեր էր պարունակում, բայց ամենաստորաքարշը, ըստ էության, արցախյան շարժումից հրաժարվելու նրա համառությունն է։ Ըստ Փաշինյանի՝ խաղաղության համաձայնագրի նախաստորագրված տեքստով Ղարաբաղի հարցը փակվում է։ «Այս քննադատությանն ի պատասխան պիտի հիշեցնեմ, որ դեռևս 2025 թվականի մարտին այդ առիթով հայտարարություն եմ արել Ազգային ժողովի բարձր ամբիոնից, իսկ ավելի ուշ՝ վարչապետի համար տարօրինակ կոչով դիմել ժողովրդին։ Ասել եմ, որ մենք չպետք է շարունակենք Ղարաբաղյան շարժումը, ասել եմ, որ ես Հայաստանն առաջնորդելու եմ այս՝ Ղարաբաղյան շարժումը չշարունակելու տրամաբանությամբ, և եթե ժողովուրդը համաձայն չէ այս տրամաբանությանը, նրան կոչ եմ արել հեղափոխություն անել»,- ասել է Փաշինյանն ու ծաղրել ՀՀ քաղաքացիներին, որոնք հեղափոխություն չարեցին. «Որովհետև ինձ նման հասկացաք, որ առանց Ղարաբաղի հարցը փակելու խաղաղությունը հնարավոր չէ, որ Ղարաբաղի հարցն իրոք որոշ ուժեր պարզապես օգտագործում էին որպես գործիք Հայաստանի անկախությունը, ինքնիշխանությունը, պետականության կայացումն ու զարգացումը թույլ չտալու համար»։
Փաշինյանը նաև ամեն գնով խոչընդոտում և խոչընդոտելու է արցախցիների վերադարձի հարցը, այդ պատկերացումներն իրատեսական չհամարելով։ Պնդելով, որ վերադարձի թեմայի արծարծումը վտանգավոր և վնասակար թեմա է՝ Փաշինյանը բռնի տեղահանված արցախցիներին կոչ է արել տնավորվել Հայաստանի Հանրապետությունում՝ որպես լիարժեք քաղաքացիներ։ Գեղեցիկ ձևակերպված բառերի ետևում իրականում Բաքվի ցանկությունների ամրագրումն է՝ ամեն գնով արցախցիներին զրկել իրենց տուն վերադառնալու հնարավորությունից, լեգիտիմացնել տեղահանումն ու էթնիկ զտումը։ Հաշվի առնելով, որ միջազգային գանգատներն էլ հետ են կանչվելու՝ ըստ էության, Փաշինյանը կատարում է Ադրբեջանի ամենաբաղձալի ցանկությունները՝ ի հաշիվ հայ ժողովրդի ու նրա շահերի։
Մելինե Մովսիսյան
GTB Development ընկերությունը դարձել է Հայաստանի պետական սիմֆոնիկ նվագախմբի 21-րդ համերգաշրջանի գլխա...
Պայծառ կապույտ մազեր և փիրսինգ. Նորթ Ուեսթը զարմացրել է Փարիզի նորաձևության շաբաթվա հանդիսատեսին
«Քրիստոնեական համերաշխություն» միջազգային իրավապաշտպան կազմակերպությունը խոր մտահոգություն է հայտնու...
ԶՊՄԿ-ում շարունակվում են աշխատակիցների ատեստավորման և վերապատրաստման ծրագրերը
«Ոչ միայն անհնար է, այլև չեն էլ հավակնում դառնալ ամբողջ Հայաստանի և բոլոր հայերի իշխանությունը». «Փա...
Գեղարքունիքի մարզում` Գեղամավան գյուղի մուտքի մոտ, բшխվել են «Audi»-ն և «Lada»-ն․ 9 վիրավnրից 2-ն ան...
«Ինտերը» նոր պայմանագիր կնքեց Մխիթարյանի հետ
21-րդ դարի Հայոց Ազգային Բանակը պետք է դառնա հզոր, անվտանգ և ինքնիշխան Հայաստանի հիմնասյունը․ Խաչիկ ...
Հուլիսի 6-ից կարելի է դիմել վարորդական իրավունքի վերականգնման համար․ կսահմանվի փորձաշրջան՝ 6 բալային...
Ընտրությունը «ջրեց» նաև հակառուսականության միֆը. «Փաստ»
