Օնլայնը շուտով կկոտրի փքված «բիզնեսի» հնացած միֆը. «Փաստ»
«Փաստ» օրաթերթը գրում է.
Օնլայն գնումների մշակույթը արագանցիկ տեմպերով առաջ է սլանում: Այն զարգանալով հետևում է թողնում հիմա արդեն բավականին հնացած բրենդային խանութներ շոփինգի գնալու հին ու բարի «ավանդույթը»: Հայաստանում էլ վիրտուալ առևտուրը մեծ քայլերով է զարգանում: Այն և՛ շահավետ է, և՛ քիչ ժամանակ է խլում: Բացի այդ, սպառողն իր համար ցանկալի բրենդային ապրանքը կարողանում է մի քանի անգամ ավելի էժան գնով ձեռք բերել և միևնույն ժամանակ բավականին գումար խնայել:
Այս ֆոնին մայրաքաղաքի խանութներում մի քանի անգամ ավելի թանկ վաճառվող ապրանքները սկսել են ավելի դժվար վաճառվել: Մոլերում ու կենտրոնական փողոցների վրա տեղակայված հայտնի ապրանքանիշերի խանութները նույնպես դժվար օրեր են ապրում, քանի որ մի տեսակ նմանվել են թանգարանների:
Ի դեպ, մայրաքաղաքի կենտրոնական փողոցներում գործող խանութների վարձակալության համար տնտեսվարողները բավականին մեծ գումար են վճարում: Որոշ դեպքերում այն ամսական հասնում է մինչև 5000 ԱՄՆ դոլարի: Եվ այս պայմաններում, բնական է, որ վաճառվող ապրանքը պետք է այնքան թանկ լինի, որ տնտեսվարողը կարողանա բոլոր ծախսերի տակից անկորուստ դուրս գա: Իրականի ու վիրտուալի պայքարում անշուշտ հաղթում է երկրորդ տարբերակը, իսկ հին առևտրականների «բիզնեսը» գնալով դժվարանում է:
Ժամանակն իրենն է թելադրում, բայց դատարկված տարածքների սեփականատերերը չեն էլ ցանկանում հարմարվել ժամանակակից տենդեցներին և խանութների վարձակալության գները վերանայեն: Փոխարենը գերադասում են այն դատարկ պահել, բայց վարձի չափը ոչ մի լումայով չիջեցնել: Եվ դա է պատճառը, որ Հայաստանում բիզնես–միջավայրը չի զարգանում ու նորմալ շրջանառություն չի ձևավորվում:
Մի քիչ էլ որ համբերենք, կտեսնենք, թե ինչպես են մեկը մյուսի հետևից փլվում երբեմնի հսկաներ համարվող «բրենդային» խանութների միֆը: Դրանք դեռևս կանգուն են միայն մեկ պատճառով, որ մարդիկ ու հարևաններն ասեն, թե դա Իրենց խանութն է: Մի քիչ էլ որ անցնի ու իսկական բիզնես միջավայր ձևավորվի, այս երբեմնի դատարկ, հին ու հոգնեցրած մոտեցումներն էլ կգնան պատմության գիրկը, հետևում թողնելով բազում անուններ ու զվարճալի պատմություններ:
Շարունակությունը՝ «Փաստ» օրաթերթի այսօրվա համարում
Փաշինյանը չկարողացավ ստանալ քվեների 50%-ը՝ բոլոր խախտումներով հանդերձ․ Ավետիք Չալաբյան
Որպես պատասխանատու քաղաքական ուժ տեր ենք և հաշվետու մեզ վստահված քվեների համար․ Մարիաննա Ղահրամանյան
Հասարակությունը հաշտ չէ ստեղծված իրավիճակի հետ․ Ատոմ Մխիթարյան
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Սամվել Կարապետյանի ընկերությունների շրջանառությունը Հայաստանի հետ ավելի շատ է, քան ամբողջ Հայաստանի ...
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
«Քրիստոնեական համերաշխություն» միջազգային իրավապաշտպան կազմակերպությունը խոր մտահոգություն է հայտնու...
Էլեկտրաէներգիայի անջատումներ Երևանի 7 վարչական շրջաններում և բոլոր 10 մարզերում
Արտաշատում մսամթերքի արտադրամասի գործունեություն է կասեցվել
