Խցանումները նյարդայնացրել են նաև կառավարությանը. «Փաստ»
«Փաստ» օրաթերթը գրում է.
Երկար ամիսներ է, որ խցանումների պատճառով, աշխատանքի գալիս կամ տուն վերադառնալիս մարդիկ ժամերով մնում են փողոցներում և չեն կարողանում ժամանակին տեղ հասնել: Այս խնդրին անդրադարձել է նաև մամուլը, բայց մինչ օրս հարցն այդպես էլ չի լուծվել: Ինչ–որ մեկի պայծառ մտքով անցավ Հանրապետության հրապարակի լուսաֆորներն անջատել, բայց խնդիրը փոքր–ինչ մեղմվելու փոխարեն ավելի խորացավ, մեծացավ ու հասավ կառավարություն: Կառավարության նիստի ժամանակ վարչապետ Կարեն Կարապետյանը հանձնարարեց քայլեր ձեռնարկել նվազեցնելու Երևանում աշխատանքային օրերին առաջացող խցանումները:
« Աշխատանքային օրերին Երևան քաղաքում առկա են խցանումներ, երթևեկության կազմակերպման խնդիրներ, որոնց պատճառները բազմազան են և պահանջում են լուծումներ»,– ասել է վարչապետը:
Տրանսպորտի, կապի և տեղեկատվական տեխնոլոգիաների նախարարին, Քաղաքաշինության պետական կոմիտեի նախագահին, Ոստիկանության պետին հանձնարարեց և Երևանի քաղաքապետին առաջարկեց 2–ամսյա ժամկետում ուսումնասիրել Երևանում խցանումների նվազեցման հնարավորությունները, այլընտրանքային երթուղիների կառուցման հարցերը և կառավարության աշխատակազմին առաջարկություններ ներկայացնել:
Այն, որ վերջապես կառավարության ղեկավարին է հասել, որ մայրաքաղաքում երթևեկության վիճակը ծայրաստիճան վատ է, որ վարորդներն ու ուղևորները խցանումներից չեն կարողանում աչք բացել, լավ է, բայց որ հարցը մոտ ապագայում կլուծվի՝ մի տեսակ երազանքի է նման:
Կարելի է միայն ենթադրել, որ այդ խցանումները վերջապես կառավարության նյարդերի վրա էլ են ազդել, այդ պատճառով է հարցը մտել օրակարգ, իսկ պատկերացնո՞ւմ եք ինչ հրաշք կկատարվի մայրաքաղաքը սպասարկող երթուղայինների ոլորտում, եթե հանկարծ մի օր մեր հարգարժան վարչապետը որոշի աշխատանքի գալ ոչ թե ծառայողական մեքենայով, այլ՝ երթուղային տաքսիով: Այ դա արդեն ոչ թե կառավարության նիստի ժամանակ թեթև հանձնարարականի տեսքով կարտահայտվի, այլ՝ ծանր քննարկման թեմայի կվերածվի, ինչի մասին վաղուց երազում են բոլորը:
Շարունակությունը՝ «Փաստ» օրաթերթի այսօրվա համարում
Դեմ ենք, որ լինի որևէ ուժ, որն ունենա այսօրվա պես բացարձակ իշխանություն․ Էդմոն Մարուքյան
«Ուժեղ Հայաստան» կուսակցության քարոզարշավը․ ուղիղ
Մերժում ենք թուլությունը, սուտն ու կեղծիքը, ընտրում ենք արժանապատիվ և ուժեղ Հայաստանը․ Ավետիք Չալաբյ...
«Պետք է կանգնեցնենք մեր երկիրը անդունդի եզրին հասցրած այս թույլ, անիմաստ իշխանությանը». Սամվել Կարապ...
Mövenpick-ը գալիս է Հայաստան
Ձեր առաջադրանքը՝ ըստ հորոսկոպի
«ԵՄ անդամակցության և դեպի Եվրոպական միություն արտահանման թեման բացարձակ սուտ է, կեղծիք». «Փաստ»
«Ուժեղ Հայաստան» կուսակցության ուղիղ եթերը Գավառից
Ճամփորդության պլանավորում զրոյից. խորհուրդներ IDBank-ից
Վրաստանում անհայտ անձինք Հայ Առաքելական և Ուղղափառ եկեղեցու սրբապատկերները նետել են աղբամանի մոտ
