Վարկ է վերցրել և անմիջապես պարտքով տվել. «Փաստ»

«Փաստ» օրաթերթը գրում է.

Պաշտպանության նախարարության ֆինանսաբյուջետային և պլանավորման վարչության պետի տեղակալ Վարուժան Ապերյանը ոչ ավել, ոչ պակաս տասը անշարժ գույք ունի, ինչի մասին տեղեկանում ենք նրա՝ Բարձրաստիճան պաշտոնատար անձանց էթիկայի հանձնաժողովին ներկայացված 2017 թ. պաշտոնը ստանձնելու հայտարարագրից։

Այսպես, Ապերյանի այդ մեծաքանակ անշարժ գույքի մեջ գերակշռում են հողամասերը, այն է՝ 9–ը, իսկ վերջին տասերորդն էլ ամառանոց է։ Որպես շարժական գույք հայտարարագրել է երկու ավտոմեքենա՝ «LEXUS GX 470» և «UAZ 315196» մակնիշների։

Պաշտոնը ստանձնելու օրվա դրությամբ ունեցել է նաև փոխառություններ, որոնք կազմել են 8 միլիոն 885 հազար դրամ, բանկային հաշիվների վրա էլ ունեցել է ընդամենը 2 միլիոն դրամ։

Եկամուտներ նույնպես հայտարարագրել է, որոնք կազմել են 13 միլիոն 463 հազար դրամ, որից 3 միլիոն 577 հազար դրամը ստացվել է աշխատավարձից, 8 միլիոն 885 հազար դրամը ստացված փոխառություններ են՝ վարկեր, 600 հազար դրամը գոյացել է գույքի վաճառքից, իսկ 400 հազար 800 դրամն էլ նշված է, որպես այլ եկամուտ։

Շարունակությունը՝ «Փաստ» օրաթերթի այսօրվա համարում