Նիկոլ Փաշինյանն ազատվում է կուսակիցների մի մասից
Գորիսում տեղի ունեցած «ՔՊ» քաղաքական հավաքից հետո Փաշինյանը կոնկրետ որոշում է կայացրել ազատվել իր մի քանի կուսակիցներից, նրանց հեռացնել պետական պաշտոններից, փոխարենը դնել այնպիսի մարդկանց, որոնք ավելի լավ են կարողանում վերահսկողություն իրականացնել իրենց գերատեսչություններում և կառույցներում։ Առաջին «ծիծեռնակը» Շրջակա միջավայրի նախարար Հակոբ Սիմիդյանն էր։ Մամուլը երեկ հայտնեց, որ Սիմիդյանը հրաժարական է ներկայացնելու, իսկ նրան այդ պաշտոնում փոխարինելու է նախկին փոխվարչապետ, ներկայումս Փաշինյանի խորհրդական աշխատող Համբարձում Մաթևոսյանը։
Շրջակա միջավայրի նախարարի պաշտոնում Սիմիդյանի պաշտոնավարման վերաբերյալ դժգոհություններ ՔՊ-ում միշտ էլ եղել են։ Ընդհուպ տարբեր խոսակցություններ են շրջանառվում նախարարի ոչ ադեկվատ պահվածքի վերաբերյալ։ Բայց Սիմիդյանին փրկում էր այն հանգամանքը, որ ընտանյոք հանդերձ չափազանց մոտ են Նիկոլ Փաշինյանի հետ։
Նույնիսկ ընդհատակում գտնված ժամանակ Փաշինյանը ամիսներ շարունակ բնակվել է հենց Սիմիդյանի առանձնատանը։ Իշխանափոխությունից հետո Սիմիդյանը շատ արագ կարիերա արեց, նախ դարձավ պետական ամառանոցների տնօրենը, ապա խորհրդարանում «Քաղաքացիական պայմանագիր» խմբակցության քարտուղարներ։ Իսկ 2021 թ․ից հետո նշանակվեց շրջակա միջավայրի նախարար։ Թե ինչ արդյունքներ է ցույց տվել Շրջակա միջավայրի նախարարությունը նրա պաշտոնավարման օրոք, պատմելու կարիք չկա, յուրաքանչյուրն էլ տեսնում է և հասկանում է։
Ընդ որում, Սիմիդյանը միակը չէ, որ հրաժեշտ է տալու իր պաշտոնին։ Փաշինյանը մի քանիսին էլ աչքի տակ է առել և ցանկանում է ազատվել նրանց ներկայությունից, նախընտրում բերել այնպիսի մարդկանց, որոնք կկարողանան իրենց բռի մեջ պահել իրենց հաստատությունները և խորհրդարանական առաջիկա ընտրություններին ընդառաջ ինչ-որ չափով օգտակար լինել։ Ի դեպ, մեր աղբյուրների փոխանցմամբ, պաշտոնյաներին ոչ թե ոչ միայն հեռացնելու են, այլ նաև քրեական գործեր են հարուցելու կատարած ապօրինությունների համար։ Փաշինյանը նաև ցանկանում է հանրությանը ցույց տալ, որ պատժում է իր թիմում ծվարած կոռուպցիոներներին։
Մարիամ Թորոսյան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
