Արման Մելիքյան. «Ժնևյան հանդիպումը հայ բանակցողների քաղաքական նահանջի նոր փուլի ազդարարումն է». «Փաստ»

«Փաստ» օրաթերթը գրում է.

ԵԱՀԿ Մինսկի խմբի համանախագահների նախաձեռնությամբ Ժնևի ՄԱԿ–ի գրասենյակում և այլ միջազգային կազմակերպություններում Շվեյցարիայի մշտական ներկայացուցչի կեցավայրում կայացել են Հայաստանի ու Ադրբեջանի նախագահների բանակցությունները: Խնդրի լուծման տարբերակների մասին, սակայն, որևէ կոնկրետ պայմանավորվածություն չկա: Բանակցությունների արդյունքում կողմերը պայմանավորվել են սահմանին լարվածությունն էլ ավելի թուլացնելու ուղղությամբ քայլեր ձեռնարկել, որպեսզի առաջնագծում զոհեր չլինեն:

Արդյո՞ք Ադրբեջանը կպահպանի ձեռքբերված պայմանավորվածությունը. կարծիք Արցախի նախկին ԱԳ նախարար Արման Մելիքյանից.

– Սարգսյան–Ալիև Ժնևյան հանդիպումը հակամարտության կարգավորման գործընթացի համատեքստում վերջակետ դրեց 2016 թվականի ապրիլյան ռազմական գործողության արդյունքում հօգուտ Ադրբեջանի խախտած քաղաքական ու տարածքային ստատուս քվոյի պատմության մեջ: Ադրբեջանն այժմ հստակ գիտի, որ ապագայում ևս իր ձեռնարկած ցանկացած ռազմական արկածախնդրություն կմնա անպատիժ, իսկ Հայաստանի դե ֆակտո ղեկավարությունն էլ քաղաքական մակարդակում ադրբեջանական այդ «բանակցային» մարտավարությանը պատշաճ հակազդեցություն ցուցաբերելու կարողություն չունի: Իրականում, Ժնևյան հանդիպումը հայ բանակցողների քաղաքական նահանջի նոր փուլի ազդարարումը դարձավ: Ադրբեջանի համար բանակցային գործընթացի արդյունավետության միակ չափանիշը Արցախից հայկական զինուժի դուրսբերումն ու տարածքները պաշտոնական Բաքվին փաստացի լիակատար հանձնումն է եղել ու մնում: Եթե առաջիկա մեկ– երկու ամիսների ընթացքում այս առումով շարժ տեղի չունեցավ, ապա ճակատային գծի երկայնքով տեղի ունցող զինված միջադեպերը կվերսկսվեն:

Շարունակությունը՝ «Փաստ» օրաթերթի այսօրվա համարում