Իրանի հակահայկական երկրորդ քայլը
Ընդամենը երկու շաբաթվա ընթացքում իսլամական երկրները երկրորդ բանաձևն են ընդունել ադրբեջանցիների՝ Հայաստան վերադառնալու անհրաժեշտության մասին՝ աջակցություն հայտնելով Բաքվի դիրքորոշմանը։ Օկուպացված Ստեփանակերտում Տնտեսական համագործակցության կազմակերպության գագաթնաժողովի ավարտին այդ կառույցի անդամ 10 երկրներ համատեղ կոմյունիկե են ընդունել՝ վերահաստատելով անցած ամիս Ստամբուլում ընդունված պահանջները։ Ընդ որում, կոմյունիկեին միացել են ինչպես ՀԱՊԿ-ում և ԵԱՏՄ-ում Հայաստանի դաշնակից Ղազախստանը, այնպես էլ Տաջիկստանը, Ղրղըզստանը և Իրանը։
Իսլամական համագործակցության կազմակերպության արտգործնախարարների՝ Ստամբուլում կայացած հավաքում հունիսի 21-ին ևս մի բանաձև էր ընդունվել, որտեղ Հայաստանից պահանջել էին երկխոսել «Արևմտյան Ադրբեջանի» համայնքի հետ, դատապարտել Հայաստանի դիրքորոշումները և պահանջներ ներկայացրել Հայաստանից իբր բռնի արտաքսված ադրբեջանցիների վերադարձն ապահովելու։ Տակավին օրեր անց Իրանի ԱԳՆ խոսնակ Էսմայիլ Բաղային մամուլի ասուլիս էր տվել, որտեղ հայտարարել էր, թե Ստամբուլում ընդունված հայտարարության մեջ տեղ գտած որոշ ձևակերպումներ, բառեր և բառակապակցություններ իրենք չեն պաշտպանում։ «Նման ձևակերպումների և արտահայտությունների կիրառումը կարող է աշխարհաքաղաքական փոփոխությունների ցանկություն առաջացնել, ինչը կառուցողական չէ, և չպետք է տարածաշրջանի պետությունների գործնական քաղաքականության հիմք հանդիսանա»,- հայտարարել էր Իրանի ԱԳՆ պաշտոնական ներկայացուցիչը՝ այդկերպ փորձելով հանգստացնել կրքերը Երևանում։
Բայց հենց նույն Իրանի նախագահ Մասուդ Փեզեշքիանն անձամբ մեկնել էր Ստեփանակերտ, հանդիպել Ալիևին, ուշագրավ հայտարարություններ արել, վերջում էլ միացել հակահայկական բանաձևին։ Բնական է, որ առաջնայինը երկրի նախագահի, այլ ոչ ԱԳՆ խոսնակի հայտարարությունն է։ Արդյոք Հայաստանի Հանրապետությունն ԱԳՆ կկանչի՞ Իրանի դեսպանին, նրան բողոքի նոտա կհղի՞, թե՞ ոչ։ Ամեն դեպքում փաստն այն է, որ Իրանի Իսլամական Հանրապետությունն առաջնորդվում է բացառապես իր շահերով և առանձնապես Հայաստանի շահերը հաշվի առնելու ցանկություն չունի։ Սա մեկընդմիշտ պետք է հասկանան իրենց ապագան և պաշտպանվածությունն Իրանի հետ կապողները։
Շուշան Երիցյան
Թշնամու դավադիր կրակոցը խլեց Լեոնիդ Ազգալդյանի կյանքը, բայց ոչ նրա գաղափարը․ Համահայկական ճակատ
Փաշինյանը չկարողացավ ստանալ քվեների 50%-ը՝ բոլոր խախտումներով հանդերձ․ Ավետիք Չալաբյան
Հասարակությունը հաշտ չէ ստեղծված իրավիճակի հետ․ Ատոմ Մխիթարյան
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Սամվել Կարապետյանի ընկերությունների շրջանառությունը Հայաստանի հետ ավելի շատ է, քան ամբողջ Հայաստանի ...
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
«Քրիստոնեական համերաշխություն» միջազգային իրավապաշտպան կազմակերպությունը խոր մտահոգություն է հայտնու...
Էլեկտրաէներգիայի անջատումներ Երևանի 7 վարչական շրջաններում և բոլոր 10 մարզերում
Արտաշատում մսամթերքի արտադրամասի գործունեություն է կասեցվել
