Շահաբաժինը գերազանցել է 24 միլիոնը. «Փաստ»

«Փաստ» օրաթերթը գրում է.

Ջրային տնտեսության պետական կոմիտեի նախագահի տեղակալ Վոլոդյա Նարիմանյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր՝ պաշտոնը ստանձնելու 2017 թ. հայտարարագիրը:

Նարիմանյանը հայտարարագրել է թվով չորս անշարժ գույք՝ այգետնակ, հողամաս, ավտոտնակ ու անավարտ շինություն: Թեև վերջինիս սեփականությունն է համարվում նաև ավտոտնակը, սակայն պաշտոնյայի հայտարարագրում շարժական գույքի վերաբերյալ տվյալներ չկան:

Փոխարենը տվյալներ կան արժեթղթերի ու ներդրումների մասին, մասնավորապես՝ Նարիմանյանը հայաստանյան ընկերություններից մեկում ունի 25 հազար դրամ արժողությամբ բաժնեմաս:

Դրամական միջոցները պաշտոնը ստանձնելու օրվա դրությամբ հետևյալ պատկերն են ունեցել՝ 1 միլիոն դրամ, 1000 եվրո, 100 հազար ռուսական ռուբլի ու 1000 ԱՄՆ դոլար: Եկամուտները կազմել են 26 միլիոն 432 հազար դրամ ու ստացվել 24 միլիոն 670 հազար դրամ շահաբաժնից ու 1 միլիոն 763 հազար դրամ աշխատավարձից:

Շարունակությունը՝ «Փաստ» օրաթերթի այսօրվա համարում