Ավտոմեքենա, անվավոր մեխանիզմ ու բեռնատար. Հարությունյանի շարժական գույքը. «Փաստ»

«Փաստ» օրաթերթը գրում է.

Ջրային տնտեսության պետական կոմիտեի նախագահի տեղակալ Արմեն Հարությունյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր՝ պաշտոնը ստանձնելու հայտարարագիրը: Ըստ հայտարարագրի Հարությունյանի թե՛ անշարժ և թե՛ շարժական գույքը բազմազան է: Այսպես, նա հայտարարագրել է հինգ անուն անշարժ գույք, որից երկուսը բնակարան և մեկական հասարակական նշանակության շինություն, բազմամյա տնկի ու հողամաս: Նրան են պատկանում նաև «TOYOTA SEQUOIA 4.7» մակնիշի մարդատար ավտոմեքենան, «SAFE CC6460DY» մակնիշի անվավոր մեքենան կամ մեխանիզմը և «UAZ 39094» մակնիշի բեռնատար ավտոմեքենան:

Դրամական միջոցները պաշտոնը ստանձնելու օրվա դրությամբ կազմել են 20 միլիոն դրամ, 90 հազար ԱՄՆ դոլար ու 100 հազար եվրա: Եկամուտներն էլ կազմել են 8 միլիոն 54 հազար դրամ ու ստացվել 1 միլիոն 57 հազար դրամ աշխատավարձից, 5 միլիոն 124 հազար դրամ վարձակալության դիմաց ստացված վճարից և 1 միլիոն 872 հազար դրամ ու 14 հազար 916 ԱՄՆ դոլար ստացված փոխառություններից:

Շարունակությունը՝ «Փաստ» օրաթերթի այսօրվա համարում