Ամեն նման գրառում, ամեն խուզարկություն, ամեն ձերբակալություն էլ ավելի է ամրացնում գիտակցումը, որ պետք է օր առաջ ազատվել այս հիվանդ և հոգեպես սնանկ իշխանությունից․ Միքայել Գրիգորյան

Միքայել Գրիգորյանը ֆեյսբուքյան իր էջում գրել է․ 

Հայաստանի քաղաքական դաշտում վերջին օրերի զարգացումները մտահոգիչ են ոչ միայն իրենց բովանդակությամբ, այլև իրենց ցինիկ ու խեղաթյուրված մոտեցմամբ։ Երբ վարչապետի ընտանիքի անդամները հրապարակային գրառումներով անցնում են բարոյականության, արժեքների և նույնիսկ նորմալության բոլոր սահմանները, երբ վիրավորում են Եկեղեցին,սա արդեն ոչ թե քաղաքականություն է, այլ հասարակական հիմքերի նպատակային քայքայման ծրագրի իրականացում։