Երջանիկը երջանկության մեջ է Սոչիում, իսկ կուսակիցները խռովել են նրանից. «Փաստ»

«Փաստ» օրաթերթը գրում է.

«Փաստը» վերջերս «Երջանիկը երջանկացրեց ՀՀԿ–ի երիտթևին» վերնագրով նյութ էր հրապարակել, որում, մասնավորապես, գրված էր.

«Հոկտեմբերի 14–22–ը Սոչի քաղաքում տեղի կունենա երիտասարդության և ուսանողության համաշխարհային 19–րդ փառատոնը: Այն կազմակերպել են աշխարհի կոմունիստները:

Հայաստանից այդ փառատոնին պետք է մասնակցի 18–35 տարեկան 250 երիտասարդ: Այս խնդրով զբաղվողը Հայաստանի Կոմունիստական կուսակցության երիտասարդ քարտուղար Երջանիկ Ղազարյանն է:

Սակայն «Փաստ» օրաթերթի տվյալներով` Երջանիկը սերտ կապեր է հաստատել ՀՀԿ երիտթևի «փուչիկ տրաքացնող» Կարեն Ավագյանի հետ, գրեթե ամբողջությամբ կորցրել է «կոնտրոլը» և ամեն ինչ վստահել է Ավագյանին: Նախապես հազարավոր երիտասարդներ հայտ են ներկայացրել, բայց նրանց 99%–ը մերժում է ստացել:

«Փաստին» հայտնի է, որ 250 պատվիրակներից ավելի քան 100–ը ՀՀԿ երիտասարդական թևից է լինելու»:

Երջանիկը հիմնականում ՀՀԿ–ական երիտասարդների հետ արդեն Սոչիում է: Իսկ Կոմունիստական կուսակցության երիտասարդ անդամները խռովել են նրանից:

Փաստորեն, ռուսական կողմնորոշմամբ երիտասարդները անմասն են մնացել Սոչիի «վայելքներից»:

 Շարունակությունը՝ «Փաստ» օրաթերթի այսօրվա համարում