Իշխանությունը բարելավում է ՌԴ հետ հարաբերությունները. Արևմուտքը կատաղած է
Մինչ փաշինյանական իշխանությունը փորձում է ռևերանսներ անել Ռուսաստանին, վերականգնել երկխոսությունն ու խաթարված հարաբերությունները, արևմտամետ խմբակները, ինչպես և սպասելի էր, փորձում են վնասել հայ-ռուսական հարաբերությունների կարգավորմանը։ Երեկ Ռուսաստանի Դաշնության Դաշնային խորհրդի նախագահ Մատվիենկոյի այցն էլ ստվերվել է արևմտամետների ակցիաներով, գրեթե 1 տասնյակ արևմտամետներ՝ «Հանուն Հանրապետության» կուսակցության նախագահ Արման Բաբաջանյանի գլխավորությամբ, բողոքի ակցիաներ են արել խորհրդարանի մոտ, ընդ որում բավական ագրեսիվ տոներով, ընդհուպ ոստիկանների և հակընդդեմ ակցիայի մասնակիցների հետ լեզվակռիվ ու քաշքշուկ սադրելով։
Նման մի ակցիա տեղի է ունեցել Ռուսաստանի արտգործնախարար Սերգեյ Լավրովի այցի ժամանակ։ Երեկ էլ փոքրաթիվ «սորոսականները» փորձել են փչացնել Մատվիենկոյի այցը, սակայն առանձնակի հաջողություններ չեն ունեցել։ Իսկ Մատվիենկոյին, նշենք բավականին լավ են դիմավորել, դրական նոտաներով։ Խորհրդարանում Դաշնային խորհրդի նախագահը հայտարարել է, թե ուրախ է երկու երկրների միջև խորհրդարանական մակարդակով քաղաքական երկխոսությունը վերսկսելու համար։
Մատվիենկոն հանդիպել է նաև Նիկոլ Փաշինյանին։ Ռուսական կողմի տարածած հաղորդագրության համաձայն, հանդիպումը նախատեսվածից շատ ավելի երկար է տևել, բանակցությունները սկզբում ընթացել են նեղ կազմով, այնուհետև զրույցը շարունակվել է ընդլայնված կազմով, իսկ հանդիպումից հետո Մատվիենկոն հայտարարել է, թե Ռուսաստանի և Հայաստանի միջև վստահության ճգնաժամ չկա։
Կարելի է, իհարկե, վերապահումներով մոտենալ «ռուս պաշտոնյայի» այս հայտարարությանը և այն դիտարկել որպես դիվանագիտական ժեստ, բայց այն, որ 3 տարվա խնդիրներից, հայ-ռուսական հարաբերությունների վատթարացումից հետո գործող իշխանությունները փորձում են փոքրիշատե կարգավորել դրանք, տանել Հայաստանի համար դրական հունով, պետք է միայն ողջունել. հայ-ռուսական հարաբերությունների վատթարացումն առաջին հերթին և բացառապես վնասում է միայն Հայաստանի շահերին։ Իսկ հաստիքային արևմտամետների համար հայ-ռուսական հարաբերությունների կարգավորումը վկայում է իրենց իսկ դիրքերի թուլացում, ուստի և, արևմտյան կառույցների կողմից հրահրվելով, փորձում են ամեն գնով փչացնել այցերից ստացված տպավորությունները և կրկին վատթարացնել հայ-ռուսական հարաբերությունները։
Արմինե Մաթևոսյան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
