Մահացածը 28 տարեկան էր, գնացել էր երեխայի սեռը իմանալու. մանրամասներ՝ Գեղարքունիքի ողբերգական վրաերթից

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Oragir.News-ի տեղեկություններով՝ մայիսի 27-ին Գեղարքունիքի մարզում տեղի ունեցած մահվան ելքով վրաերթի հետևանքով մահացածը և 17-ամյա վարորդը Ներքին Գետաշեն գյուղի բնակիչներ են։

Զոհվածը 28-ամյա տղամարդ է։ Ըստ մեր տեղեկությունների՝ նա այդ օրը կնոջ հետ միասին այցելել էր Մարտունու բժշկական կենտրոն՝ իմանալու իրենց ապագա երեխայի սեռը։

«Հիվանդանոցում իմացել են, որ տղա են ունենալու։ Ուրախությունը նշելու համար տղամարդը որոշել է գնալ գնումների և ապա տուն վերադառնալ։ Մեքենան բարձր արագությամբ է ընթացել, իսկ նա փորձել է անցնել ճանապարհը՝ ոչ սահմանված հատվածով, որպեսզի հնարավորինս շուտ լավ լուրը փոխանցի հարազատներին։ Ցավոք, տեղի է ունեցել դժբախտ պատահար»,- նշեց մեր աղբյուրը։

Հիշեցնենք, որ նախօրեին մահվան ելքով վրաերթ է տեղի ունեցել Գեղարքունիքի մարզում։ Ժամը 21։30-ի սահմաններում Մարտունի քաղաքի Մյասնիկյան փողոցում Գեղարքունիքի մարզի բնակիչ 17-ամյա Արեգ Ա․-ն իր վարած «ՎԱԶ 2121» մակնիշի ավտոմեքենայով վրաերթի է ենթարկել փողոցը չթույլատրելի հատվածով անցնող հետիոտնին։ Վարորդը փախուստի չէր դիմել, սակայն ժամանած շտապօգնության բժիշկների հերթապահ խումբը արձանագրել է հետիոտնի մահը։

Հետևեք մեզ՝ այստեղ