ՔՊ-ն ահաբեկումներով փորձում է ավտորիտար կառավարման անցնել
«Քաղաքացիական պայմանագիր» կուսակցության, առանձին քպականների, ինչպես նաև վարչապետի տիկնոջ վերջին շրջանի լկտիացումն ընդամենը մեկ բանի մասին է վկայում։ Գործող իշխանությունը մեծ քայլերով գնում է դեպի ավտոկրատական կառավարում, իսկ դրա համար անհրաժեշտ է մեկ բան՝ ահաբեկել և վախեցնել ժողովրդին։
2018 թվականի իշխանափոխությունից հետո գործող իշխանություններն ամեն ինչ արել են իրավապահ և դատական համակարգն իրենց տակ մտցնելու համար։ Մեծամասամբ, դա հաջողվել է, բայց որոշ դեպքերում էլ իշխանությունը բավականին լուրջ պարտություն է կրել, հատկապես դատական համակարգում, որտեղ դեռևս կան արդարամիտ դատավորներ, որոնք իշխանությանը ոչ հաճո որոշումներ են կայացնում, հրաժարվում են դատել գործող իշխանության ընդդիմախոսներին, և արդյունքում տարբեր ընդդիմադիր ակտիվիստներ բավական ագրեսիվ և կոշտ են պայքարում գործող իշխանությունների դեմ՝ որոշակի վստահություն ունենալով դատական համակարգի նկատմամբ։
Փաստացի՝ Հայաստանում ժողովրդավարությունն ապահովում են սակավաթիվ այն դատավորները, որոնք դիմադրում են Նիկոլ Փաշինյանի իշխանությանը, այլ ոչ փաշինյանական իշխանությունը, ինչպես փորձում է ներկայացնել իշխանական քարոզչամեքենան։ Ուստի և 2026 թվականի ընտրություններից առաջ «Քաղաքացիական պայմանագիրը» նպատակ ունի ահաբեկման և վախի մթնոլորտ ստեղծել։ Դրա համար արդեն իսկ բավականին լուրջ հիմքեր են ստեղծվել։
Վերջերս նույնիսկ տարբեր քպականներ սկսել են բողոքել, որ Նիկոլ Փաշինյանը գնում է դեպի ավտոկրատական կառավարում, ինչը ծանրագույն հետևանքներ է ունենալու Հայաստանի Հանրապետության համար։ Այժմ ընդդիմադիր ակտիվիստներին անվանարկելով, անհատապես վիրավորելով, ԱԺ ամբիոնից հայհոյանքներ հնչեցնելով, ՔՊ-ն նոր բռնությունների հիմքեր է ստեղծում։ Հասկանալով, որ դատարաններում կարող է պարտվել, «Քաղաքացիական պայմանագիրը» իր ենթակա իրավապահ համակարգի, ինչպես նաև թաղային խուժանի միջոցով նույնիսկ կարող է անցնել անհատապես մարդկանց բռնությունների ենթարկելու, այդ կերպ հանրությանը վախեցնելու գործին։
Փաշինյանից նման քայլը բոլորովին էլ հեռու չէ։
Արևիկ Մեհրաբյան
Հայաստանի հետ խաղաղությունը միայն թղթի վրա չէ. Ալիև
Նիկոլ դու չես լինելու վարչապետ․ Սամվել Կարապետյանը կհաղթի քեզ
Թաթոյանը՝ Գզոյանի ազատման մասին․ «Հիշողությունը չի կարող լինել խաղաղության խոչընդոտ»
Այսօր տեղի ունեցավ «Առաջարկ Հայաստանին» ծրագրի երիտասարդական պլատֆորմի ներկայացուցիչների հանդիպումը ...
Հայաստանը կարող է դառնալ Չինաստան–Հնդկաստան հարաբերությունների կարևոր կամուրջ․ Ավետիք Քերոբյան
Դեմի Մուրը՝ Gucci-ի փետուրներով․ «Օսկար 2026» մրցանակաբաշխության հայտնիների լուքերը
IDBank-ը հայտարարում է IDDistributor ֆինանսական գործիքի գործարկման մասին
ԶՊՄԿ-ի ֆինանսավորմամբ հաշմանդամություն ունեցող 45 երեխայի տրամադրվում են ֆիզիոթերապևտիկ ծառայությու...
Անկախության հռչակագրի չեղարկումը հավասար է Հայաստանի Հանրապետության կործանմանը․ Ավետիք Չալաբյան
Փաշինյանը խոստացավ խաղաղություն և բերեց 3 պատերազմ․ մենք կբերենք ուժեղ խաղաղություն
