Լիցենզավորման գործակալության պետի հողամասերն ու բազմաբնակարան շենքում գտնվող ոչ բնակելի տարածքը. «Փաստ»

«Փաստ» օրաթերթը գրում է.

Տնտեսական զարգացման և ներդրումների նախարարության աշխատակազմի լիցենզավորման և թույլտվությունների գործակալության պետ Արմեն Նալբանդյանը, ով հուլիսին է վերանշանակվել այս պաշտոնում, օգոստոսի 24–ին Բարձրաստիճան պաշտոնատար անձանց էթիկայի հանձնաժողովին է ներկայացրել իր՝ պաշտոնը ստանձնելու 2017 թ. հայտարարագիրը:

Նալբանդյանը հայտարարագրել է չորս անշարժ գույք, որից երեքը հողամաս, իսկ մեկն էլ՝ բազմաբնակարան շենքի ոչ բնակելի տարածք: Որպես անշարժ գույք է հայտարարագրել «MITSUBISHI PAJERO 3.0I» մակնիշի ավտոմեքենա:

Դրամական միջոցները պաշտոնը ստանձնելու օրվա դրությամբ կազմել են 6 հազար ամերիկյան դոլար, 13 միլիոն դրամ ու 4 հազար 500 եվրո: Եկամուտները կազմել են 2 միլիոն 318 հազար դրամ ու ստացվել աշխատավարձից:

Նշենք, որ լիցենզավորման և թույլտվությունների գործակալությունը հիմնադրվել է 2010 թ.: Նախարարության կայքում տվյալներ չկան, թե երբ է Նալբանդյանը սկսել այդտեղ աշխատել, սակայն հրապարակումներից մեկում նշված է, որ 2012 թ. նա եղել է գործակալության պետ:

Շարունակությունը՝ «Փաստ» օրաթերթի այսօրվա համարում