Հողամասեր, բնակարան ու բազմամյա տնկի. Արթուր Մկրտչյանի հայտարարագիրը. «Փաստ»

«Փաստ» օրաթերթը գրում է.

Տնտեսական զարգացման և ներդրումների նախարարության աշխատակազմի շուկայի վերահսկողության տեսչական մարմնի ղեկավարի տեղակալ Արթուր Մկրտչյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր՝ պաշտոնը ստանձնելու 2017 թ. հայտարարագիրը:

Մկրտչյանը հայտարարագրել է հինգ անշարժ գույք՝ երկու հողամաս, բնակարան, առանձնատուն ու բազմամյա տնկի: Նրան է պատկանում երկու ավտոմեքենա՝ «VOLKSWAGEN PASSAT 2.0 FSI» և «VAZ 2106» մակնիշների:

Դրամական միջոցները պաշտոնը ստանձնելու օրվա դրությամբ կազմել են 4 միլիոն 800 հազար դրամ ու 9 հազար ԱՄՆ դոլար: Եկամուտները կազմել են 2 միլիոն 657 հազար դրամ, որից 2 միլիոն 157 հազար դրամ աշխատավարձից ու 500 հազար դրամ գույքը օտարելուց ստացված եկամուտից:

Մկրտչյանն այս պաշտոնում նշանակվել է այս տարվա փետրվարի 13–ին:

Շարունակությունը՝ «Փաստ» օրաթերթի այսօրվա համարում