Այսօր մենք պարտավոր ենք աշխատել այն Հայաստանի համար, որտեղ յուրաքանչյուր աշխատավոր կարող է ազնիվ աշխատանքի շնորհիվ ապահովել իր ապագան․ Մհեր Ավետիսյան

Ես հիմա առաջարկում եմ վերականգնել աշխատավորի արձանը, կարծում եմ` մեզանում պետք է մի սիմվոլ, որը խորհրդանշում է հենց գիտելիքն ու աշխատասիրությունը և հայտնում իմ պատրաստակամությունը ֆինանսավորելու տվյալ նախագիծը եթե այն կստանա պետական աջակցություն։

Մայիսի 1-ը ինձ համար միաժամանակ և՛ աշխատանքի տոն է, և՛ սոցիալական արդարության գաղափարի խորհրդանիշ։ Սոցիալական արդարությունը չի նշանակում բոլորի բացարձակ հավասարություն, այլ հնարավորությունների հասանելիություն, որտեղ՝

- Յուրաքանչյուր ոք կարող է հասնել հաջողության իր աշխատանքի ու կարողությունների շնորհիվ

- Հասարակության սոցիալական շերտերի մեջ պետք է ատելություն չլինի,

- Հաջողությունը որոշվում է գիտելիքով ու աշխատասիրությամբ, ոչ թե թայֆայական համակարգերով, ծանոթ-խնամի-բարեկամ կապերով կամ քաղաքական պատկանելիությամբ։

Երրորդ հանրապետության ժամանակ այս սկզբունքի բացակայությունը դարձավ հիմնական խնդիրներից մեկը։

Մեր խնդիրն է ստեղծել հասարակություն, որտեղ՝

- Քաղաքական էլիտան կնպաստի սոցիալական արդարության հաստատմանը,

- Երեխաները կունենան հնարավորություն զարգանալ իրենց ընդունակություններին համապատասխան,

- Արդարության մթնոլորտը, անվտանգությունից հետո, ամենակարևոր մտածողությունն է, որը կդառնա պետության հիմնասյուներից մեկը։

Այսօր մենք պարտավոր ենք աշխատել այն Հայաստանի համար, որտեղ յուրաքանչյուր աշխատավոր կարող է ազնիվ աշխատանքի շնորհիվ ապահովել իր ապագան։

Շնորհավոր աշխատավորի տոնը բոլոր նրանց, ովքեր իրենց աշխատանքով կառուցում են մեր երկրի ապագան։