ԶՊՄԿ-ն կարևորում է երիտասարդների մասնագիտական կողմնորոշմանն ուղղված հանդիպումները, որոնք նպաստում են նոր սերնդի շրջանում հանքարդյունաբերության դերի ընկալմանը
ԶՊՄԿ կայուն զարգացման գծով տնօրեն Արմեն Ստեփանյանը National Polytechnic University of Armenia / Հայաստանի ազգային պոլիտեխնիկական համալսարանի ավագ դպրոցում կայացած հանդիպման մասնակից աշակերտներին է ներկայացրել «Կայուն զարգացումը ժամանակակից բիզնեսում» թեմայով դասախոսություն՝ ներկայացնելով ընդհանուր առմամբ հանքարդյունաբերության դերը մարդկանց կյանքում և կենցաղում, ինչպես նաև դրա նշանակությունը՝ երկրի տնտեսության համար։
«Դահլիճում հավաքված մոտ հարյուր աշակերտներից շատերը վստահաբար հետագայում՝ դառնալով մասնագետներ, աշխատանք են փնտրելու նաև հանքարդյունաբերության ոլորտում, որը բազմաթիվ տարբեր մասնագետների կարիք ունի։ Ավելին այս ոլորտը գրավիչ է երիտասարդ մասնագետների համար՝ բարձր վարձատրվող, հետաքրքիր և կարևոր աշխատանքով»,- ասաց Արմեն Ստեփանյանը։
ԶՊՄԿ-ն կարևորում է երիտասարդների մասնագիտական կողմնորոշմանն ուղղված հանդիպումները, որոնք նաև նպաստում են նոր սերնդի շրջանում հանքարդյունաբերության դերի ընկալմանը, տեղեկացվածության բարձրացմանը, ոլորտի շուրջ առկա միֆերի չեզոքացմանը։
«Հանքարդյունաբերությունը ամենուր է,- բացատրեց Արմեն Ստեփանյանը,- ձեր հեռախոսները, ձեր համակարգիչները, անգամ այս բարձրախոսը հանքարդյունաբերական արտադրանքի արդյունք են։ Այն ամենը, ինչ մենք օգտագործում ենք, աճում է հողից կամ դուրս է բերվում ընդերքից։ Մեր կյանքը հնարավոր չէ պատկերացնել առանց հանքարդյունաբերության։ Բայց չափազանց կարևոր է, թե ինչպես է կազմակերպվում հանքարդյունաբերությունը, որքանով է այն համապատասխանում միջազգային չափանիշներին, որքանով է այն կիրառում գոյություն ունեցող նորագույն տեխնոլոգիաները, որոնց շնորհիվ շրջակա միջավայրի վնասների ռիսկերը հասցվում են նվազագույնի»։
Արդյունաբերության փորձագետ, (Կանադա) Թերենս (Սրապ) Օրթսլանը «Հանքարդյունաբերության և մետաղների սկզբունքները. անցյալ, ներկա և ապագա» թեմայով դասախոսության ընթացքում խոսեց աշխարհում գոյություն ունեցող հանքերի, դրանց տեսակների մասին և ներկայացրեց ոլորտի հետագա զարգացման տեսլականը։
Հանդիպման ընթացքում՝ դասախոսություններից հետո, բանախոսներին ուղղված բազմաթիվ և տարաբնույթ հարցերը ցույց տվեցին, որ ներկաներին հետաքրքրեց իրենց ստացած տեղեկատվությունը, և երիտասարդության շրջանում ոլորտի հանդեպ ուշադրությունը էապես աճել է, ինչպես նաև պարզ դարձավ, որ հանքարդյունաբերության մասին այսօրվա ընկալումները տարբերվում են տարիներ առաջ ունեցած թյուր պատկերացումներից։
Կոտայքում «Mercedes»-ը բախվել է քարին ու հողաթմբին
Դեմ ենք, որ լինի որևէ ուժ, որն ունենա այսօրվա պես բացարձակ իշխանություն․ Էդմոն Մարուքյան
Ձեր առաջադրանքը՝ ըստ հորոսկոպի
Mövenpick-ը գալիս է Հայաստան
«Պետք է կանգնեցնենք մեր երկիրը անդունդի եզրին հասցրած այս թույլ, անիմաստ իշխանությանը». Սամվել Կարապ...
«Տրոլների ֆաբրիկան» պատրաստ է. ինչպես է աշխատում Փաշինյանի քարոզչական մեքենան և ինչ սպասել 2026 թվակ...
ՀՀ Վարչական դատարանը վերացրել է Ռուզաննա Ազրոյանի որոշումը
Ուժեղ Հայաստանի հանդիպումը Գանձասար գյուղում. կեցցե Տավուշի հայ մարդիկ. Հրայր Կամենդատյան
Կիևն ու Վաշինգտոնը պատրաստվում են ստորագրել համաձայնագիր, որը թույլ կտա ուկրաինական ԱԹՍ-ներ արտահանե...
Վրաստանում անհայտ անձինք Հայ Առաքելական և Ուղղափառ եկեղեցու սրբապատկերները նետել են աղբամանի մոտ
