ՔՊ-ում նոր ալիք է բարձրացել Անդրանիկ Քոչարյանի դեմ
Ազգային ժողովում տեղի ունեցած խայտառակ միջադեպը, երբ Պաշտպանության և անվտանգության հարցերի հանձնաժողովի նախագահ Անդրանիկ Քոչարյանը ցույց տվեց իր դաստիարակության իսպառ բացակայությունը, հրաշալի հնարավորություն է դարձել «Քաղաքացիական պայմանագրի» մի հատվածի համար հաշիվները մաքրելու Քոչարյանի հետ, և վերջինիս հարցը բարձրացնելու ընդհուպ խորհրդարանական խմբակցության նիստում` առաջարկելով նրան հրաժարվել Պաշտպանության և անվտանգության հարցերով հանձնաժողովի նախագահի պաշտոնից։
ՔՊ-ում շատերը, որոնք ատամ ունեն Անդրանիկ Քոչարյանի դեմ, արդեն իսկ առանց սեթևեթանքի հարցազրույցներ են տալիս, ցեխը մտցնում Անդրանիկ Քոչարյանին, խոսում էթիկայի հանձնաժողովի վերաբերյալ։ Այն, որ Անդրանիկ Քոչարյանը չի համապատասխանում ԱԺ Պաշտպանության և անվտանգության հարցերի հանձնաժողովի նախագահի, ինչպես նաև 44-օրյա պատերազմի հանգամանքներն ուսումնասիրող ժամանակավոր հանձնաժողովի նախագահի պաշտոնին, որևէ մեկի մոտ կասկած չի հարուցում, այդ թվում նաև «Քաղաքացիական պայմանագրում», սակայն Քոչարյանին Նիկոլ Փաշինյանը հանդուրժում էր, քանի դեռ կատարում էր իր կամքը։
Քննիչ հանձնաժողովի զեկույցը վաղուց պատրաստ է, իսկ Անդրանիկ Քոչարյանը հրաժարվում է այն հրապարակել` այդ կերպ երկարաձգելով իր պաշտոնավարումը։ Չի բացառվում, որ առաջիկայում նույնիսկ դատական կարգով նրան պարտադրեն հրապարակել զեկույցը, բայց մինչ այդ ՔՊ-ում խլրտացող շարքերն ամեն ինչ փորձելու են անել Անդրանիկ Քոչարյանին պաշտոնանկ անելու համար։ Իսկ Քոչարյանը պաշտոնանկությունից հետո ոչ միայն կկորցնի նաև մանդատը, այլև չի լինի «Քաղաքացիական պայմանագրի» որևէ ընտրական ցուցակում, ընդհուպ նրանք կարող են քրեական պատասխանատվության ենթարկել, իսկ չարաշահումներ որքան ասես կարելի է գտնել «հին աղվեսի» գզրոցներում։
Մոնիկա Սահակյան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
