Տերտերյանն ու 41 միլիոն դրամ փոխառությունները. «Փաստ»

«Փաստ» օրաթերթը գրում է.

Բնապահպանության և ընդերքի տեսչական մարմնի ղեկավարի պաշտոնում նշանակված Եղիշ Տերտերյանը 41 միլիոն դրամ փոխառություններ ունի, ինչի մասին տեղեկանում ենք նրա՝ Բարձրաստիճան պաշտոնատար անձանց էթիկայի հանձնաժողովին ներկայացված պաշտոնը ստանձնելու 2017 թ. հայտարարագրից:

Տերտերյանը հայտարարագրել է երկու բնակարան: Պաշտոնը ստանձնելու օրվա դրությամբ ունեցել է 17 միլիոն դրամ ու 80 հազար ամերիկյան դոլար դրամական միջոցներ: Եկամուտները կազմել են 2 միլիոն 300 հազար դրամ ու ստացվել աշխատավարձից:

Մինչ այս նշանակումը Տերտերյանը զբաղեցրել է բնապահպանության նախարարության Թափոնների ու մթնոլորտ արտանետումների կառավարման գերատեսչության պետի պաշտոնը:

Նրա անունը հայտնի է նաև վերջին խորհրդարանական ընտրություններից, որոնց ժամանակ Տերտերյանը եղել է թիվ 9 տարածքային հանձնաժողովի նախագահը, և նրա անունը բազմիցս շոշափվել է ընտրակեղծարար եզրույթի հետ:

Հիշեցնենք, որ «Ժառանգություն» կուսակցության կողմից տեղամասային ընտրական հանձնաժողովի անդամներից մեկը ինքնաբացարկի դիմում էր ներկայացրել Տերտերյանին՝ կոպիտ պահվածք դրսևորելու համար:

Շարունակությունը՝ «Փաստ» օրաթերթի այսօրվա համարում