Տորթեր, շամպայն ու գինի՝ բյուջեի հաշվին. «Փաստ»

«Փաստ» օրաթերթը գրում է.

Թալինի քաղաքապետարանը սեպտեմբերի 28–ին պետական գնումների փոփոխված պլան է ներկայացրել:

Ի տարբերություն Սևանի քաղաքապետերանի, որտեղ միայն ծաղիկներով, ծաղսկեպսակներով ու շոկոլադով էին «սահմանափակվել», Թալինի քաղաքապետարանը գնումների պլանում միջոցառումներին մի ամբողջ բաժին է հատկացրել:

Վերջին տոներից սկսենք: Թալինի քաղաքապետարանի գնումների պլանում «Մանկավարժի օր» ենթաբաժին կա, որտեղ համայնքի բյուջեի հաշվին 100 հազար դրամի հուշանվերներ, 6000 դրամ արժողությամբ 10 հատ տորթ, 25200 դրամի շամպայն ու 75000 դրամի ծաղիկ է նախատեսված:

«Կանացի տոն» բաժնից էլ կարելի է հասկանալ, որ քաղաքապետարանը 70 հազար դրամի վարդեր է գնել: Նույն բաժնի գնման պլանում առկա են նաև 10 հատ տորթ, 20 հատ գինի և 70 հազար դրամի հուշանվերներ:

«Մայրության տոնն» էլ անմասն չի մնացել: Վարդերի, արդեն ֆիքսված՝ 60 հազար դրամ ընդհանուր արժեքով տորթերի կողքին են նաև հուշանվերները:

Ըստ էության՝ Գրադարանավարի օրը քաղաքապետարնն ամենահասարակը կնշվի: Այստեղ սահմանափակվել են մեկ տորթով, երկու շամպայնով ու 25 վարդով:

Շարունակությունը՝ «Փաստ» օրաթերթի այսօրվա համարում