Դավադրություն՝ Փաշինյանի խուճուճ բառերի տակ
Ժամանակին -իզմերը մերժող Նիկոլ Փաշինյանը երեկ երեկոյան գրեթե մեկ ժամ ուղեղ է արդուկել՝ իր ուղերձը գաղափարախոսական անվանելով։ 14 կետերը մեկը մեկից վտանգավոր են Հայաստանի, պետության, ժողովրդի համար։ Իսկ ճառը նվիրված էր համոզելու հայությանը նոր Սահմանադրական հանրաքվե անցկացնելու անհրաժեշտության մեջ։ «Էական է համաժողովրդական հանրաքվեով նոր Սահմանադրության ընդունումը, քանի որ գործող Սահմանադրության ընդունման համար անցկացված նախկին բոլոր հանրաքվեները հանրային ընկալման մեջ ունեն լեգիտիմության լրջագույն պակաս: Նոր Սահմանադրության ընդունման ռազմավարական նպատակն անցնում է պետականազուրկ ազգի մնացորդային գործելակարգից դեպի պետականակերտ ժողովրդի գործելակարգ»,- ասել է Փաշինյանը:
Սահմանադրական փոփոխությունն իրականում թելադրված է դրսից, Ադրբեջանը հիմնովին հրաժարվում է խաղաղության պայմանագիր կնքել, իսկ պահանջներից մեկն էլ ՀՀ Սահմանադրության փոփոխությունն է, Անկախության հռչակագիրը ներածությունից հեռացնելը։ Նույնիսկ ՀՀ ՍԴ որոշումը, որ Փաշինյանն ու իր թիմը փորձում էին «գեղցու շուստրիությամբ» ներկայացնել որպես պարզաբանում, Բաքվում լուրջ չընդունեցին։ Եվ այժմ Նիկոլ Փաշինյանը խնդիր ունի համոզել, որ նոր Սահմանադրություն է հարկավոր։
Մեկ այլ վտանգավոր թեզ էլ նրա խոսքում անկախության մասին է։ Ըստ Փաշինյանի, Իրական Հայաստանի գաղափարախոսության նախագծի կետերից մեկն էլ Անկախությունը քչերից կախվածությունը փոխարինելն է շատերից կախվածությամբ: «Եթե պետությունն արդեն կախված է շատերից, ուրեմն պետք է խնդիր ունենա կախված լինել ավելի շատերից: Բալանսավորված և բալանսավորման արտաքին քաղաքականության նպատակը նույնիսկ շատերից կախվածության մեջ անհամաչափություններ թույլ չտալն է»,- ասել է նա:
Կարիք չկա կրկնելու, որ Նիկոլ Փաշինյանի պաշտոնավարումը լուրջ վտանգ է ներկայացնում Հայաստանի ապագային։ Ընդդիմությունը պետք է միավորվի, մերժի նոր գաղափարախոսությունը, հեռացնի ու պատժի Փաշինյանին ու իր թիմին։ «Հիմնավորապես մերժել Հայաստանի ներկայիս կառավարիչների գաղափարախոսությունը՝ մոռանալ սեփական արմատները, պատմությունը, հայրենի ծննդավայրը, ազգային արժանապատվությունը»,- գրել է երրորդ նախագահ Սերժ Սարգսյանը։ Սա պետք է դառնա ուղենիշ բոլոր այն անձանց համար, ովքեր ցանկանում են պահպանել Երրորդ Հանրապետությունը։
Անի Հայրապետյան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
