Լևոն Արոնյանը՝ Նոյեմբերյանի Դովեղ գյուղի պատվավոր քաղաքացի. «Փաստ»

«Փաստ» օրաթերթը գրում է.

Սեպտեմբերի 30–ին` շախմատի աշխարհի գավաթակիր Լևոն Արոնյանի հարսանիքի օրը, Տավուշի մարզի Նոյեմբերյանի ենթաշրջանի Դովեղ գյուղի պատվավոր քաղաքացու վկայական տրվեց շախմատիստին:

Նշենք, որ Լևոն Արոնյանի մանկությունն անցել է մայրական պապի` Սարգիս Ավագյանի գյուղում՝ Դովեղում:

Պապը երկար տարիներ եղել է Դովեղի դպրոցի տնօրենը: Լևոնի մայրը՝ Սեդա Ավագյանը, սովորել է այդ դպրոցում:

«Տոյոտաների» սիրահար Կամո Ադամյանը
Արդարադատության նախարարության աշխատակազմի ղեկավարի տեղակալ Կամո Ադամյանը, ով ամիսներ առաջ է այս պաշտոնում նշանակվել, վերջերս Բարձրաստիճան պաշտոնատար անձանց էթիկայի հանձնաժողովին է ներկայացրել իր պաշտոնը ստանձնելու 2017 թ. հայտարարագիրը:

Ադամյանը հայտարարագրել է թվով հինգ անշարժ գույք՝ բնակարան, առանձնատուն ու երեք հողմաս: Որպես շարժական գույք է հայտարարագրել երեք ավտոմեքենա, որից երկուսը նույն մակնիշի են: Այսպես, Ադամյանին են պատկանում «TOYOTA LAND CRUISER PRADO 2.7 I», «TOYOTA LAND CRUISER PRADO 2.7» և «VOLKSWAGEN JETTA 2.0» մակնիշի ավտոմեքենաներ:

Հայտարարագրից նաև տեղեկանում ենք, որ նորանշանակ պաշտոնյան արժեթղթեր ունի և իր բաժնեմասը գնահատվում է 50 հազար դրամի չափով:

Շարունակությունը՝ «Փաստ» օրաթերթի այսօրվա համարում