Ի՞նչ էր փնտրում Փաշինյանը Շվեյցարիայում
Շվեյցարական Դավոս այցի ընթացքում Նիկոլ Փաշինյանը մի հանդիպում էլ տեղի հայ գործարարների և համայնքի ակտիվ ներկայացուցիչների հետ էր ունեցել։ Այդ հանդիպմանը նա անթաքույց քծնել և գովել է մասնակիցներից մեկին՝ հայտնի բանկիր և գործարար Վարդան Սրմաքեշին։ Վերջին 2018թ. իշխանափոխությունից հետո երկար աջակցել է Փաշինյանին ու նրա թիմին, Շվեյցարիայում տեղավորել սրանց գումարները, նվիրատվություններ արել Աննա Հակոբյանի ֆեյք հիմնադրամին։ Մեր տեղեկություններով, մեկ տարուց ավելի Սրմաքեշը որևէ գումար չի փոխանցում Հակոբյանի հիմնադրամին, ինչից հետո հայտնվել էր հարկայինի և իրավապահների ուշադրության կենտրոնում։
Սրմաքեշը լուրջ մասնակցություն ունի Հայաստանում գործող երկու բանկերում, նաև այլ բիզնեսներ։ Այդ բիզնեսներից մեկն էլ ժամացույցների հայտնի AWI ընկերությունն է։ Փաշինյանի՝ իշխանության գալուց հետո այդ ընկերության գործերը բավական լավ էին ընթանում, քանի որ թե՛ Փաշինյանը, թե՛ նրա թիմակիցները նախընտրում էին այդ ընկերության արտադրանքը։ Իշխանավորներն արդեն «զարգացել», անցել են այլ, ավելի թանկարժեք բրենդների։
Սրմաքեշի բանկերում մի քանի ստուգումներ են իրականացվել այս ընթացքում, իբր խախտումներ ու չարաշահումներ գտել։ Գործող իշխանությանը նվերները քիչ էին թվացել, փորձել էր փայ մտնել շվեյցարահայի ընկերություններում։
Այժմ կամ Փաշինյանի և Սրմաքեշի միջև լարվածությունն անցել է, նոր պայմանավորվածությունների են հանգել, կամ էլ, անկախ հայտարարություններից և քծնանքից, Փաշինյան-Սրմաքեշ հարաբերություններն այնքան էլ պարզ չեն։ Գործող իշխանությունների համար վտանգավոր է մինչև վերջ փչացնել հարաբերությունները։ Սրմաքեշը ոչ միայն իշխանության ապօրինի գործարքներից է տեղյակ, այլև արտերկրում կարող է լուրջ ֆոն ստեղծել, խոչընդոտել Փաշինյանի որոշ նախաձեռնությունները։ Ինքն անձամբ չի ցանկանում աշխատել գործող իշխանությունների հետ՝ հասկանալով, որ անխնա գողանում են։
Արփի Ստեփանյան
Որպես պատասխանատու քաղաքական ուժ տեր ենք և հաշվետու մեզ վստահված քվեների համար․ Մարիաննա Ղահրամանյան
Հասարակությունը հաշտ չէ ստեղծված իրավիճակի հետ․ Ատոմ Մխիթարյան
Փաշինյանի հակառուսական քաղաքականության պատճառով Ռուսաստանն այլևս չի ընդումում մթերք․ հարցում
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Սամվել Կարապետյանի ընկերությունների շրջանառությունը Հայաստանի հետ ավելի շատ է, քան ամբողջ Հայաստանի ...
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
«Քրիստոնեական համերաշխություն» միջազգային իրավապաշտպան կազմակերպությունը խոր մտահոգություն է հայտնու...
Արտաշատում մսամթերքի արտադրամասի գործունեություն է կասեցվել
Ոստիկանները ձերբակալել են հետախուզվողի․ հայտնաբերվել է մարտական ատրճանակ ու գաղտնի փականով դանակ
