Ռուբեն Մեհրաբյան. «Իշխանությունը ցանկանում է թուլացնել հասարակության ազդեցությունը». «Փաստ»
«Փաստ» օրաթերթը գրում է.
ԱԺ–ում բավականին աղմկոտ և բուռն կերպով քննարկում են Երևան քաղաքում ՏԻՄ օրենքի փոփոխություններ և լրացում կատարելու մասին օրենքի նախագիծը:
Նախագծով առաջարկվում է փոխել գործող օրենքը, ըստ որի՝ Երևանի ավագանու խմբակցությունը կամ քաղաքապետը կարող են հանդես գալ հանրաքվեի առաջարկությամբ:
Առաջարկվող փոփոխությամբ այդ իրավունքը վերապահվում է միայն քաղաքապետին կամ ավագանու ընդհանուր թվի 1/3–ին: Այդպիսով, ավագանու առանձին խմբակցությունները զրկվում են այդ իրավունքից:
«Քաղաքական և միջազգային հետազոտությունների կենտրոնի» փորձագետ Ռուբեն Մեհրաբյանը նման օրենքի ընդունումը հասարակության կողմից վերահսկողության թուլացմանն ուղղված քայլ է համարում, որը գործող իշխանությունները միտումնավոր են կատարում:
«Իշխանությունը ցանկանում է թուլացնել հասարակության ազդեցությունը քաղաքական կամ տեղական ինքնակառավարման մարմինների որոշումների վրա: Հաշվի առնելով, որ իշխանամետ կուսակցությունները մեծամասնություն են ավագանիներում, նրանք ամեն ինչ անում են, որ իրենց համար կոմֆորտային պայմաններ լինեն և ցանկանում են իրենց կոմֆորտը սահմանափակող կետերը դուրս թողնել՝ օրենսդրական փոփոխություններ կատարելու ճանապարհով»,– «Փաստ» օրաթերթի հետ զրույցում նման տեսակետ հայտնեց փորձագետը:
«Երևանի ՏԻՄ մասին» օրենքում փոփոխություններ կատարելու մասին նախագիծն, ըստ Մեհրաբյանի, խոչընդոտ է նաև ժողովրդավարության կայացման ճանապարհին: Ռուբեն Մեհրաբյանը չի զարմանում, որ գործող իշխանությունը ցանկանում է օրենքներն իրեն հարմարեցնել: Նրա կարծիքով՝ այս ամենը նաև կարող է տենդենցի վերածվել:
«Եվրասիական միություն կոչվող այդ ախոռի մեջ դա ընդունված ավանդույթ է՝ սահմանափակել հասարակության հնարավորությունները, փակել քաղաքացիների բերանը: Այս ամենը տանում է իշխանության անվերահսկելիության, այսինքն՝ գործադիր իշխանությունը փորձում է իր համար առավելագույնս շահեկան դիրքեր զբաղեցնել և օգտագործում է օրենսդրական մեխանիզմը»,– ընդգծեց նա:
«Քաղաքական և միջազգային հետազոտությունների կենտրոնի» փորձագետի կանխատեսմամբ՝ նոր օրենքը միայն բացասաբար է ազդելու մայրաքաղաքի կյանքի վրա, և ընդդիմությունը պետք է ավելի մեծացնի ճնշումն իշխանության վրա՝ թույլ չտալով նմանատիպ օրենքների ընդունումը:
Շարունակությունը՝ «Փաստ» օրաթերթի այսօրվա համարում
Փոփոխությունները սկսվելու են Ստեփանավանից. Տիգրան Աբրահամյան
Իշխանական օրակարգի սպառումն ու Սամվել Կարապետյանի քայլը. ո՞րն է լինելու քաղաքական հանգուցալուծումը. ...
«Պահա՛նջ` չեղարկե՛լ «Թրամփի ուղին». Սյունիքը երբե՛ք սակարկման ենթակա չէ՛». Խաչիկ Ասրյան
Փաշինյանի վարած սխալ քաղաքականությունից տուժում ենք մենք՝ հասարակ քաղաքացիներս. Ավետիք Չալաբյան
Իշխանությունները քրիստոնեական հավատը ամեն կերպ փորձում են արատավորել. Արմեն Մանվելյան
Կոնվերս Բանկը COP17-ում ներկայացնում է կայուն ֆինանսավորման փորձը
Թուրքիան փորձելու է ավելի նշանակալի դեր վերցնել տարածաշրջանային անվտանգության համակարգի ձևավորման գո...
Բուլղարացի փորձագետը մրցանակ կստանա թռիչքների անվտանգության համար
Toyota Prius-ը բախվել է մի քանի մեքենայի և վրաերթի ենթարկել հետիոտնի․ տուժածի վիճակը ծայրահեղ ծանր է
Ճակատենի անտառպետության տարածքում հայտնաբերվել են ապօրինի հատված ծառեր
