Կապանցի երեխաները ունեցան եւս մեկ մանկապարտեզ՝ բարելավված պայմաններով
Կապանի թիվ 9 նախադպրոցական ուսումնական հաստատությունը այսօր արդեն պաշտոնապես իր հյուրընկալ դռներն է բացել շուրջ 160 փոքրիկների առջև։ Դեռևս 60-ական թվականներին կառուցված, երբևէ հիմնանորոգման չենթարկված և գրեթե վթարային վիճակում գտնվող մանկապարտեզն այժմ երեխաներին է ներկայանում բոլորովին նոր, լուսավոր, ընդարձակ և հարմարավետ պայմաններով։
Մանկապարտեզի տնօրենի ուղեկցությամբ համայնքի ղեկավարը շրջել է խմբասենյակներում, ծանոթացել կատարված աշխատանքներին, փոքրիկների կրթության և դաստիարակության, ինչպես նաև աշխատակիցների համար ստեղծված հարմարություններին ու ընդհանուր պայմաններին։
Ելույթի իր խոսքում Գևորգ Փարսյանը շնորհավորել է ներկաներին նշանակալի և կարևոր իրադարձության կապակցությամբ՝ ասելով «Օրը ինձ համար հատկապես առանձնահատուկ է զգացմունքային առումով, քանի որ այս մանկապարտեզի հետ են կապված իմ մանկության ամենավառ հիշողությունները»։ Վերհիշելով այդ տարիները՝ համայնքի ղեկավարը երախտագիտություն է հայտնել ներկա գտնվող իր դաստիարակներին՝ ինչպես իր, այնպես էլ սերունդների կրթության գործում նրանց ներդրած ավանդի և նվիրական աշխատանքի համար։
Մանկապարտեզի հանդիսավոր բացմանը մասնակցելու և շնորհավորելու էին եկել նաև համայնքի ՆՈՒՀ-երի տնօրենները, կրթօջախի նախկին աշխատակիցները, սաները, շինարարությունն իրականացրած ընկերության ներկայացուցիչները, ծնողները և այլ հյուրեր:
Տոնական օրվա գլխավոր հերոսները երեխաներն էին, ովքեր իրենց ամանորյա գեղեցիկ հանդեսով բարձր տրամադրություն հաղորդեցին ներկաներին։
ՆՈՒՀ-ի հիմնանորոգման ծրագիրը իրականություն է դարձել համայնք-կառավարություն համաներդրմամբ/շուրջ 284 մլն ՀՀ դրամ/, կահավորվել «Համայնքների սոցիալ-տնտեսական զարգացման դրամաշնորհային հիմնադրամ»-ի՝ Գերմանիայի ու Շվեյցարիայի կառավարությունների ֆինանսավորմամբ, իսկ խաղասարքերի, ժամանակակից սարքավորումների և անհրաժեշտ տեխնիկայի ձեռքբերման հարցում աջակցություն է ցուցաբերել է «Զանգեզուրի պղնձամոլիբդենային կոմբինատ» ՓԲ ընկերությունը։
Որպես պատասխանատու քաղաքական ուժ տեր ենք և հաշվետու մեզ վստահված քվեների համար․ Մարիաննա Ղահրամանյան
Փաշինյանի հակառուսական քաղաքականության պատճառով Ռուսաստանն այլևս չի ընդումում մթերք․ հարցում
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Սամվել Կարապետյանի ընկերությունների շրջանառությունը Հայաստանի հետ ավելի շատ է, քան ամբողջ Հայաստանի ...
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
«Քրիստոնեական համերաշխություն» միջազգային իրավապաշտպան կազմակերպությունը խոր մտահոգություն է հայտնու...
Արտաշատում մսամթերքի արտադրամասի գործունեություն է կասեցվել
Ոստիկանները ձերբակալել են հետախուզվողի․ հայտնաբերվել է մարտական ատրճանակ ու գաղտնի փականով դանակ
Ավետիք Չալաբյանի ձերբակալությունը բիրտ քաղաքական բռնաճնշում է
