Իրականում ո՞վ և ի՞նչն է պետության չգոյության մասին. «Փաստ»
«Փաստ» օրաթերթը գրում է.
Նկատած կլինեք, որ Նիկոլ Փաշինյանը, առանձնապես վերջին 1 տարվա ընթացքում ու հատկապես վերջին շաբաթներին ավելի ու ավելի հաճախ է դիմում բավականին պարզունակ մանիպուլ յատիվ հնարքի: Որևէ թեմայի շուրջ արտահայտվելիս, ըստ որում՝ կարևոր չէ, թե հատկապես ինչ թեմայի, իր մոտեցմանը որևէ կերպ հակասող հանգամանքները բնորոշում է որպես ««պետության չգոյության մասին վկայող»:
Օրինակները քիչ չեն: Այ, օրինակ՝ խոսում է Արագածի մասին՝ այն հակադրելով Արարատին, ապա հավելում, թե «ով խոսում է Արարատի մասին, խոսում է պետության չգոյության մասին»: Կամ, օրինակ՝ անդրադառնում է հանրահայտ «Գինի լից» երգին (Հայոց ցեղասպանության ոճրագործներից Թալեաթին պատժելու վրիժառու գործողության և այն իրականացրած Սողոմոն Թեհլերյանին փառաբանող երգն է), նշում է, թե ոճրագործին պատժած կամավորականը... ապապետական է: Ասում է՝ Արևմտյան Հայաստանը պետության դեմ է: Կամ՝ ասում է, թե ով կարևորում է բանակը, նա պետության չգոյության մասին է խոսում: Բայց միայն դա չէ: Վերջերս էլ, օրինակ՝ «կեղտոտ աշխատավարձ» արտահայտությունն ընկավ այդ մանիպուլ յացիայի տակ: Առհասարակ, «կեղտոտ աշխատավարձ» ասելով՝ հասկանում ենք անվանական աշխատավարձը՝ հարկերը ներառյալ, ընդամենը:
Փաշինյանը ասում է, թե դա հակապետական ընկալում է: Գործնականում արդեն հասավ այնտեղ, որ Հայաստանի Հանրապետության հիմնարար փաստաթուղթը՝ Անկախության հռչակագիրն էլ մեղադրվեց պետության դեմ լինելու մեջ: Այսինքն, փաշինյանական խեղաթյուրված ընկալմամբ, «երկրի հակառակկողմային» տարբերակով՝ Անկախության հռչակագիրը... պետականության գոյության դեմ է: Շուտով, ամենայն հավանականությամբ, կհայտարարի, որ ով, ասենք, խոսեց ծիրանի մասին, նա խոսեց պետության չգոյության մասին: Ինչոր «տարօրինակ» զուգադիպությամբ, բոլոր այն խորհրդանշական, բովանդակային և հիմնարար հանգամանքները, երևույթները, գործոնները, որոնք ընդգծում են ազգային ինքնությունը, որոնք ազգային ինքնության նույնականացման կաևոր բաղադրիչներ են, ավելին՝ պետության հիմնարար փաստաթղթում ամրագրված շեշտադրումներ են, ըստ Փաշինյանի՝ «պետության չգոյության մասին են»: Այդ դեպքում հարց է ծագում, թե ի՞նչն է «պետության գոյության մասին»: Հա, ու նորից՝ ով է ինչի մասին խոսում:
Փաշինյանը, որ պետությունն արդեն ավելի քան 6 տարի տանում է աղետների ու ճակատագրական փորձությունների ենթարկելու և նետում ողբերգությունների ու փորձանքների մեջ, սահմանում է, թե ինչն է պետության գոյության մասին, իսկ ինչը՝ չգոյությա՞ն: Իրականում, եթե մեր երկրի ներսում կա մի բան, մի երևույթ, որը «պետության չգոյության» մասին է, դա փաշինյանական կեղծ օրակարգերն են, Փաշինյանի իշխանությունն է ու նրա շուրջ հավաքված խումբը:
Մանրամասները՝ «Փաստ» օրաթերթի այսօրվա համարում
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
