Հովիկ Աբրահամյանը այցելել է ապրիլյան պատերազմում զոհված Գարիկ Մովսիսյանի ընտանիքին. «Փաստ»
«Փաստ» օրաթերթը գրում է.
Ապրիլյան պատերազմի ընթացքում Տավուշի մարզը ևս զոհ ունեցավ. Լեռնային Ղարաբաղում զոհվեց 19–ամյա Գարիկ Մնացականի Մովսիսյանը: Նա շուրջ մեկ տարի էր ծառայել: Գարիկի ընտանիքը սոցիալապես վատ վիճակում է, հայրը բանվոր–շինարար է: Գարիկը ավագ եղբայր ունի, քույրը 21 տարի առաջ բոտուլիզմից էր մահացել:
Կրտսեր սերժանտ Գարիկ Մովսիսյանը զոհվել է, երբ վերականգնում էր դիրքերի միջև հեռախոսային կապը, նա օգնել է վիրավոր ծառայակից ընկերոջը:
Այս տարվա հուլիսի 26–ին ՀՀ վարչապետ Հովիկ Աբրահամյանը այցելել էր Զորական՝ Մովսիսյանների ընտանիքին, և խոստացել զոհված հերոսի հայրական տունը հիմնանորոգել: Սակայն այն գտնվում էր խարխուլ վիճակում և Աբրահամյանը որոշեց նրանց համար նոր տուն կառուցել: Այս պահին այն գրեթե ավարտուն տեսք ունի:
«Փաստի» տեղեկություններով՝ երեկ Հովիկ Աբրահամյանը Տավուշի մարզի Նոյեմբերյանի տարածաշրջան է այցելել, եղել Զորականում, ծանոթացել իր աջակցությամբ կառուցվող տան շինարարության ընթացքին:
Հրաժարականից հետո ևս Աբրահամյանը շարունակել է օժանդակությունը Գարիկի ընտանիքին: Երեկվա այցի ընթացքում նա կարգավորել է ջեռուցման և այլ հարցերի հետ կապված վերջին ֆինանսական խնդիրները:
Հ. Աբրահամյանը Գարիկի ավագ եղբորը` 27–ամյա Վլադիմիր Մովսիսյանին, խոստացել էր նաև, որ եթե ամուսնանա՝ կդառնա նրա հարսանիքի քավորը:
Շարունակությունը` «Փաստ» օրաթերթի այսօրվա համարում:
Գիտեր, որ կխփեմ նավթամուղին, գիտեի՞ք, որ նախարարի պաշտոնից դրա համար հանեցին
Փաշինյանը մերժել է ռուսական մասնակցությունը «Թրամփի ուղուն»
Դեկտեմբերի 22-ը Էներգետիկի մասնագիտական տոնն է
Ճշմարտության գինն այսօր հալածանքն է․ Հովհաննես Իշխանյան
2025թ. ԶՊՄԿ-ի համար առաջընթացի տարի էր
Սամվել Կարապետյանի նվերը Գյումրիին․ նույնիսկ խավարին հնարավոր է լուսավորել ձեր սրտերը
Իսկ ինչի՞ «լիազորություն ունեն»... լիազորություն չունեցողները. «Փաստ»
Պետք չէ նոր հեծանիվ հորինել իշխանափոխության համար. Իվանիշվիլին հաղթեց Սահակաշվիլիին. Էդմոն Մարուքյա...
Այս տարի ուժեղ Հայաստանը կհաղթի․ Նարեկ Կարապետյան
Ո՞վ կդառնա Ամենայն հայոց կաթողիկոսը․ ու՞մ է աջակցում Անկարան
