Ինչի՞ հաշվին է ուզում ապահովել Թրամփի խաղաղարար առաքելության հաղթանակն Անդրկովկասում. «Փաստ»
«Փաստ» օրաթերթը գրում է.
Անցած շաբաթ տեղեկացրել էինք, որ ՀՀ վարչապետ Նիկոլ Փաշինյանը հրահանգել է ԱԳՆ-ին՝ ամեն գնով նախապատրաստել ԱՄՆ ընտրված նախագահ Դոնալդ Թրամփի հետ երկկողմ հանդիպում՝ ԱՄՆ-ՀՀ հարաբերությունների խորացման համար։ Նշել էինք նաև, որ դրա համար լավ առիթ կարող էր լինել Փարիզում կայացած Աստվածամոր տաճարի վերաբացման արարողությունը։ Հանդիպում հենց Փարիզում կայացավ, սակայն, այսպես ասած, ոտքի վրա:
Այս օրերին իշխանության և իշխանամերձ շրջանակների «արևմտյան հատվածը» տեղեկություններ է տարածում, թե փետրվարին Փաշինյանը կարող է այցելել Վաշինգտոն:
Անդրադառնալով այս թեմային՝ «Հանրապետության հրապարակ» տելեգրամյան ալիքը, հղում տալով ՀՀ վարչապետի աշխատակազմում իր աղբյուրին, նշում է, որ Նիկոլ Փաշինյանը որոշում է կայացրել հնարավորինս արագացնել Սպիտակ տան նոր վարչակազմի հետ աշխատանքները՝ Թրամփի արտաքին քաղաքական ակտիվության ֆոնին։
Ըստ հեղինակների, մտահղացումն, ամենայն հավանականությամբ, այն է, որ ԱՄՆ-ի նորընտիր նախագահի համար ապահովվի արագ խաղաղարար առաքելության հաղթանակն Անդրկովկասում՝ Երևանի և Բաքվի միջև բազմաչարչար խաղաղության համաձայնագրի կնքման տեսքով։ Եվ այս պարագայում Փաշինյանը պատրաստ է գնալ բոլոր զիջումներին, որոնք առաջ է քաշում Ադրբեջանը։
«Ըստ աղբյուրի, նմանատիպ «բարեգործության» պատճառը նոր վարչ ա կազ մի թիմն է։ Այդ կազմում ընդգրկված են մարդիկ, ովքեր ունեն սերտ կապեր հայկական Սփյուռքի հետ և փաստացի հանդիսանում են հայկական լոբբիստներ ԱՄՆ-ի նոր կառավարությունում։ Նրանց շարքում նշվում են կառավարության արդյունավետության քարտուղարության պետ Վիվեք Ռամասվանին, առողջապահության նախարար Ռոբերտ Քեննեդին, Ազգային հետախուզության տնօրեն Թուլսի Հաբբարդը, Տեխասից սենատոր Թեդ Քրուզը, ինչպես նաև Թրամփի փեսայի հայրը՝ Մասսադ Բուլոսը, որը կզբաղեցնի արաբական և մերձավորարևել յան երկրների հարցերով ավագ խորհրդականի պաշտոնը»,-նշում է ալիքը՝ հավելելով, որ, իրենց աղբյուրի փոխանցմամբ, Բաքվին տարածքային զիջումներն ու Թրամփի դիվանագիտական հաղթանակը Փաշինյանին և նրա թիմին քաղաքական երաշխիքներ կտան, ինչպես նաև նոր դրամաշնորհային հնարավորությունների պատուհան կբացվի, որոնք կգերազանցեն նախկինում Պետդեպի «նվիրատվությունները»։
«Հաշվի առնելով նախկին արևմտյան գրանտների «յուրացումը»՝ մնում է ցավով արձանագրել, որ հայ ժողովրդի շահերի դավաճանության համար տրվող գումարներն ուղղվելու են փաշինյանական պաշտոնյաների բարեկեցության բարելավմանը»,-ամփոփում են հեղինակները։
Մանրամասները՝ «Փաստ» օրաթերթի այսօրվա համարում
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
