Փաշինյանը փորձում է ի դեմս Թրամփի քաղաքական նոր «տանիք» գտնե՞լ. «Փաստ»
«Փաստ» օրաթերթը գրում է.
ՀՀ վարչապետ Նիկոլ Փաշինյանը հրահանգել է ԱԳՆին՝ ամեն գնով նախապատրաստել ԱՄՆ ընտրված նախագահ Դոնալդ Թրամփի հետ երկկողմ հանդիպում՝ ԱՄՆՀՀ հարաբերությունների խորացման համար։ Երեկ նման տեղեկություն է հրապարակել՝ «Հանրապետության հրապարակ» տելեգրամյան ալիքը՝ հղում տալով իր աղբյուրներին: Նշվում է, որ հանդիպումը պետք է տեղի ունենա մինչև Թրամփի պաշտոնական երդմնակալությունը, քանի որ դրանից հետո նման հանդիպում կազմակերպելը կլինի ավելի բարդ։ Ի դեպ, այս կոնտեքստում տեղեկություններ էին շրջանառվում, որ դրա համար հիանալի առիթ կարող է լինել այսօր Փարիզում կայանալիք Աստվածամոր տաճարի վերաբացման արարողությունը։
Ինչո՞վ է հատկապես ուշագրավ նման տեղեկությունը: Բանն այն է, որ Փաշինյանն ու քպական թիմը ԱՄՆ նախագահական ընտրություններում շեշտը դրել էին Դեմոկրատների հաղթանակի վրա և սերտ կապեր ունեին Բայդենի վարչակազմի և դեմոկրատների ներկայացուցիչների հետ։ Սակայն ԱՄՆ ընտրություններում հաղթեց Հանրապետական կուսակցությունը ներկայացնող Դոնալդ Թրամփը: Հիմա, փաստացի, Փաշինյանը ջանքեր պիտի գործադրի նրա հետ հանդիպելու, նրա կաբինետի ներկայացուցիչների հետ կապեր հաստատելու համար՝ առաջին հերթին հասկանալու իր և յուր քպական իշխանության քաղաքական ապագան։ Ըստ նշյալ ալիքի, առաջիկա խորհրդարանական ընտրություններին ընդառաջ Փաշինյանը փորձում է ի դեմս Թրամփի նոր «քաղաքական տանիք» գտնել:
«ԱՄՆՌԴ հարաբերությունները Թրամփի օրոք կարող են կարգավորվել կամ չկրել այդքան սուր և թշնամական բնույթ, ինչպես այսօր են։ Փաշինյանը հասկանում է, որ իր քաղաքական ապագան որոշվում է Վաշինգտոնում և Մոսկվայում»,գրում են հեղինակները՝ հավելելով, որ Փաշինյանն ընտրություններով վերարտադրվելու շանս չունի, քանի որ Հայաստանում ունի գրեթե զրոյական վարկանիշ։ Այսինքն, «վերընտրվելու» համար Փաշինյանը պետք է ունենա գերտերություններից որևէ մեկի աջակցությունը. «Հաշվի առնելով Փաշինյանի և ՔՊի հակառուսական արտաքին քաղաքականությունը տարիներ շարունակ՝ հասկանալի է, որ այդ «կանաչ լույսը» Փաշինյանը փորձելու է ստանալ Սպիտակ տնից։
Սակայն ուկրաինական պատերազմի ավարտից հետո Հարավային Կովկասը նոր աշխարհաքաղաքական բաժանման արդյունքում փոխանցվելու է ՌԴին, և Փաշինյանի քայլերը Թրամփի ուղղությամբ ռեալ ոչ մի արդյունք չեն տալու։ Փաշինյանն ունի մեկ ելք՝ հրաժարական տալ և թիմով հեռանալ կամ մեկ գիշերում դառնալ ռուսամետ և թիմին SMSներով հրահանգել գովերգել Մոսկվային, Կրեմլին և հայռուսական դաշնակցային կապերը»։
Մանրամասները՝ «Փաստ» օրաթերթի այսօրվա համարում
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
