Ucom-ը և Արևորդի ՀԿ-ն հերթական արևային կայանը տեղադրել են Արենիում
Վայոց Ձորի Արենի բնակավայրի նորակառույց մանկապարտեզի համար Արևորդի ՀԿ-ի և Ucom-ի համագործակցության շրջանակներում տեղադրվել է 10.44 կՎտ դրվածքային հզորությամբ արևային կայան։
Համայնքի մանկապարտեզը կառուցվել է բոլորովին վերջերս և բացվել է սույն թվականի սեպտեմբերին։ Շենքի նախագիծը ի սկզբանե նախատեսում էր արևային կայան և Արենի համայնքը դիմել էր Ucom-ին և Արևորդի ՀԿ-ին՝ աջակցելու կայանի տեղադրման հարցում։
Արդյունքում, մանկապարտեզի տանիքին այժմ տեղադրված է արևային կայան, որը մեծապես կնպաստի հոսանքի ծախսերի նվազեցմանը։ Իսկ ապագայում, հոսանքով ջեռուցման անցնելու դեպքում՝ գեներացված հոսանքը ամբողջապես կապահովի նաև այդ կարիքները։
«Շատ ուրախալի է, որ մեր մարզերում կառույցներն ի սկզբանե նախատեսում են կայուն էներգիայի օգտագործման մեթոդներ և Ucom-ը հնարավորության դեպքում սիրով միանում է նման նախաձեռնություններին։ Մեր ցանկությունն է, որ կայուն ապրելակերպը Հայաստանում դառնա սովորություն։ Հատկապես հաճելի է, որ նման նախաձեռնություններից շահում են մեր փոքրիկները» - նշել է Ucom-ի գլխավոր տնօրեն Ռալֆ Յիրիկյանը։
«Կայուն էներգիայի գեներացման աղբյուրներ ստեղծելը չափազանց կարևոր և արդյունավետ համայնքի զարգացման համար։ Սրանք նաև այն լավագույն օրինակներն են, երբ արված աշխատանքը անմիջապես տնտեսական դրական ազդեցություն է ունենում՝ ցույց տալով բնահեն լուծումների կարևորությունը», - ասել է Արևորդի ՀԿ տնօրեն Սոնա Քալանթարյանը։
«Ցանկանում ենք հատուկ շնորհակալություն հայտնել Ucom-ին և Արևորդի հասարակական կազմակերպությանը համայնքին ցուցաբերած այս օժանդակության համար: Արևային կայանը զգալիորեն կկրճատի համայնքային ծախսերը և տաքություն ու ջերմություն կպարգևի Արենիի մանուկներին», - ասել է Արենի համայնքի ղեկավար Հուսիկ Սահակյանը։
Արենիի մանկապարտեզ այժմ հաճախում է շուրջ 80 երեխա, սակայն շենքն ունի միաժամանակ 120 երեխա ընդունելու ներուժ։ Նորակառույց շենքը ինտեգրել է ճարտարապետական նոր ու ժամանակակից լուծումներ, որոնք նախատեսված են երեխաների առօրյան հնարավորինս ապահով ու հետաքրքիր դարձնելու համար։ Տեղադրված կայանը նույնպես կնպաստի այդ նպատակին՝ միաժամանակ լինելով համայնքի կայունության ու բնապահպանական լուծումների լավագույն օրինակներից մեկը։
Որպես պատասխանատու քաղաքական ուժ տեր ենք և հաշվետու մեզ վստահված քվեների համար․ Մարիաննա Ղահրամանյան
Փաշինյանի հակառուսական քաղաքականության պատճառով Ռուսաստանն այլևս չի ընդումում մթերք․ հարցում
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
«Քրիստոնեական համերաշխություն» միջազգային իրավապաշտպան կազմակերպությունը խոր մտահոգություն է հայտնու...
Արտաշատում մսամթերքի արտադրամասի գործունեություն է կասեցվել
Ոստիկանները ձերբակալել են հետախուզվողի․ հայտնաբերվել է մարտական ատրճանակ ու գաղտնի փականով դանակ
Ավետիք Չալաբյանի ձերբակալությունը բիրտ քաղաքական բռնաճնշում է
Թուրքիան բարձր է գնահատում Ադրբեջանի և Հայաստանի միջև բանակցային գործընթացը և խաղաղ բանակցություններ...
