Արաղը քեզնից, շունը` ինձնից, գնանք կերուխումի․ Վանաձորում շնակերնե՞ր են հայտնվել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Վանաձորից ինձ զանգահարեց Անահիտ Է-ն, ասաց` հասի՛ր, փրկի՛ր։ Ես շատ զբաղված էի, բայց նրա վախեցած ձայնը լսելով` շտապեցի օգնության։ Հասա այն պահին, որ մի սև շունիկը արդեն սատկել էր, բայց տարօրինակ մի կին, նրան գետնին դրած, զոռով քաղցրավենիք էր տալիս. սարսափելի տեսարան էր։ Հետո Անահիտը ինձ ասաց, որ այդ կինը իրեն առաջարկել է գնալ իր տուն` ասելով՝ արաղը քեզնից, շունը` ինձնից, գնանք կերուխումի։ Սրանից կարելի է ենթադրել, որ այդ կինը շուն ուտելու առաջարկ է արել։

Դեպքը Վանաձորի «Լաչինի միջացք» կոչվող շուկայում է տեղի ունեցել, ականատեսներ էլ են շատ եղել։ Ես մոտեցա այդ տարօրինակ կնոջը, հարցրի, թե ինչ է անում, ասում է` տանում եմ տուն։ Դեպքից հետո շատ մարդիկ եկել, ասում են՝ այո՛, նման բան կա, որ այդ կինը շներին հավաքում է, հատկապես նորածիններին, իսկ նորածին կաթնակեր շանը ինչի՞ համար մորից պետք է տանեն։ Եթե նույնիսկ չի ուտում, հաստատ մի բան անում է»,-Oragir.News-ի հետ զրույցում ասաց կենդանասեր Մարինե Օ-ն։

Նշենք, որ սոցցանցերում լուրեր էին տարածվում Վանաձորում շնակեր մարդկանց մասին։

Կենդանասերը նշեց, որ ինքը չի ցանկանում անհիմն որևէ մեկին զրպարտել, բայց այս կնոջ և ինչ-որ հարբեցողների մասին լուրեր են տարածվում, որ նրանք շան ձագերին հավաքում, տանում և ուտում են․ «Ինձ ասել են նաև, որ այդ կնոջ հայտնվելուց հետո մեկը իր շանը կորցրել է»։

«Նշված դեպքից 5 օր առաջ կրկին նույն շուկայի տարածքում պարկով ձագուկներ է հավաքել, հարցրել են` ինչ ես անում, ասել է՝ իմ շունիկներն են, տանում եմ տուն։ Կարծում եմ՝ նորմալ մարդը նման բան չէր անի։ Ինձ նաև ասացին,որ այդ կինը վերջերս է դուրս եկել հոգեբուժարանից»,-ասաց Մարինե Օ-ն։

Հետևեք մեզ՝ այստեղ