Մհեր Ավետիսյանի շնորհավորական ուղերձը Եվգենի Պրիմակովի ծննդյան առթիվ

Մեր ժամանակների ամենամեծ քաղաքական մտածողներից մեկի, քաղաքական վերլուծաբաններից և գործիչներից մեկի Եվգենի Պրիմակովի ծնունդն է։ Մարդ, ով կանգնած է ՇՕՍ-ի, ԲՐԻԿՍ-ի և մեծ հաշվով բազմաբևեռ աշխարհ ձևավորելու քաղաքական գործընթացների հիմքում։

Կարծում եմ, յուրաքանչյուր քաղաքական գործիչ, յուրաքանչյուր քաղաքական վերլուծաբան, ով լրջագույնս ցանկանում է զբաղվել քաղաքականությամբ և քաղաքական անալիտիկայով պետք է ուսումնասիրի Պրիմակովի գործունեությունը և օրինակ վերցնի սկզբունքներ ունեցող և քաղաքականության մասին խորը պատկերացումներ և անալիտիկ մեծ կարողություններ ունեցող այս պատմական գործչի գործունեությունից։

Պրիմակովը մեր Քիսինջերն է և ես չեմ չափազանցնում, նա իր քաղաքական գործունեությամբ և քաղաքական անալիտիկայի կարողություններով ոչ միայն չի զիջում Քիսինջերին, այլ շատ հարցերում շատ ավելի հեռատես և իրատես կանխատեսումներ արեց և նրա կանխատեսումներն ու քաղաքական անալիտիկան այսօր փաստացի կյանքի է կոչվում, մենք միշտ կհիշենք Պրիմակովին, քանզի նա լրջագույն ավանդ է ունեցել քաղաքական մտքի զարգացման գործում։