Աշոտ Գրիգորյանը հաստատում է, որ կարմիր կովը իր կաշին չի փոխում

Արման Հովակիմյանը ֆեյսբուքյան իր էջում գրում է.

Ինչպես կվերաբերվեիք մի մարդու, ով ինչ-որ կայքում մի բան է ասում, ապա մեկ այլ կայքում հերքում նախորդ կայքում ասածը, նշելով որ իր խոսքը կոնտեքստից դուրս են ներկայացրել և այլն, ապա կրկին նույն կայքով, որին մեղադրել էր ոչ պրոֆեսիոնալիզմի մեջ, հարցազրույց է տալիս և ասում այն, ինչը հերքել էր մյուս կայքում։
Մի խոսքով խառը պատմություն է, բայց հետևությունը, միևնույն է, մեկն է։ Նման մարդուն առնվազն պետք չէ լուրջ ընդունել։ Հենց նման մեկի հետ գործ ունենք ի դեմս Եվրոպայի հայկական միությունների ֆորումի նախագահ Աշոտ Գրիգորյանի։
Սույն անձնավորությունը ժամանակին հարցազրույց էր տվել 1in.am կայքին, որտեղ անհիմն և իրականությունից հեռու բաներ էր խոսացել Գագիկ Ծառուկյանի մասին։ Հետո մեկ այլ կայքում արդեն նա մեղադրել էր 1in.am-ին «լրագրողական անբարոյականության» մեջ, նշելով, որ իր խոսքը կոնտեքստից դուրս է ներկայացվել, ապա նշել, որ ամենաբարձր մարդկային արժանիքներով է գնահատում Գագիկ Ծառուկյանին։
Բոլորն էլ սխալներ գործում են․ կարևորը այն է, որ հետո հասկանան և գիտակցեն իրենց սխալը։ Թվում էր, թե այս ինքնախոստովանական բացատրությունից հետո Աշոտ Գրիգորյանը պետք է այլևս հարցազրույցներ չտար 1in.am-ին և այլևս չանդրադառնար Գագիկ Ծառուկյանին։
Բայց այսօր, որքան էլ զարմանալի լինի, նույն Աշոտ Գրիգորյանը կրկին հարցազրույց է տվել 1in.am-ին և կրկին անհեթեթություններ խոսել Գագիկ Ծառուկյանի մասին։ Այիսնքն նույն պատմությունը կրկնվում է նույն մարդու պարագայում։ Չի բացառվում, որ վաղը նույն Աշոտ Գրիգորյանը մեկ այլ կայքում կրկին մեղադրի 1in.am-ին «լրագրողական անբարոյականության» մեջ, իսկ որոշ ժամանակ հետո կրկին նույն կայքում հանդես գա նոր հարցազրույցով և այսպես շարունակ, մինչև ինքը կհոգնի իրենից։
Հասկանալի է, որ հետայսու ընդհանրապես պետք չէ ուշադրություն դարձենլ այս անձնավորության վրա, սակայն Աշոտ Գրիգորյանը իր օրինակով հաստատում է հայտնի ժողովրդական խոսքը թե՝ կարմիր կովը իր կաշին չի փոխում։