Ասում են՝ տուգանքդ ինչքա՞ն է, մեկ միլիո՞ն, առ, ու շարունակում են էլի աշխատել, պետք է բացառել սա. Նիկոլ Փաշինյան
Կառավարությունը քննարկեց և ընդունեց «Հրդեհային անվտանգության մասին» օրենքում լրացում և փոփոխություն կատարելու մասին» և «Հայաստանի Հանրապետության վարչական դատավարության օրենսգրքում լրացում կատարելու մասին» Հայաստանի Հանրապետության օրենքների նախագծերին հավանություն տալու մասին օրենքների նախագիծը:
Հիմնական զեկուցող տեսչական մարմինների աշխատանքների համակարգման գրասենյակի ղեկավար Պետրոս Մարտիրոսյանը՝ նշեց, որ գործող օրենսդրության հաաձայն՝ տեսչական մարմնի ընդունած գործունեության դադարեցման մասին վարչական ակտի դադարումը կասեցվում է, և տնտեսվարողը շարունակում է իր գործունեությունը, եթե օրենքով նախատեսված չէ, որ դա ենթակա է անհապաղ կատարման։
«Ցավոք, մեր որոշ տնտեսվարողներ օգտվում են ընձեռնված հնարավորություններից, ու չնայած ակնհայտորեն իրենց գործունեությունն էական ռիսկեր է պարունակում մարդկանց կյանքի ու առողջության համար, տեսչական մարմնի ընդունած վարչական ակտը բողոքարկում են ու ստանում ժամանակ խախտումներով գործելու հնարավորություն»,- ասաց նա:
Վարչապետի աշխատակազմի ղեկավար Արայիկ Հարությունյանը նշեց, որ նախագծով միջոցներ են ձեռնարկվում արտադրական վտանգավոր օբյեկտներում խախտումների հայտնաբերման և շահագործումն արգելելուց հետո առաջացող խնդիրների վերացման համար:
ՀՀ վարչապետ Նիկոլ Փաշինյանն էլ նշեց. «Երբ մենք մարդուն գնում ու ասում ենք, որ ձեռք չտաս կպայթի, ուրեմն մարդը պետք է ձեռք չտա, որովհետև մենք իրեն պաշտոնապես զգուշացրել ենք, որ կլպայթի, բայց սա բավարար չէ: Այստեղ էլ արդեն վեց տարի շարունակվող բանավեճի հետ ենք առնչվում՝ տուգանքի մատերիալ լինլ չլինելու հետ կապված»:
Փաշինյանը նշեց, որ բարեփոխումն անելուց հետո պետք է վեց ամիս հետո մոնիտորինգ անել՝ դաշտում ինչ պրակիտկ խնդիրներ առաջացան:
«Պետք է բացառենք նույն մարդու կողմից նույն գործողությունը երկուսից ավելի անգամ անելու հնարավորությունը: Դրանից հետո պետք է գան խիստ հարկադրանքի միջոցներ՝ այդ թվում քրեական հետապնդում: Հակառակն իմաստ չունի, հակառակը սոցիալական շերտավորում ենք դնում ով փող ունի կարող է այդ տուգանքը վճարել, փաստորեն լեգիտիմ ամենաթողության խողովակ ենք ստեղծել:
Տուգանում ես խնդիր չկա, ինչքա՞ն ա տուգանքդ՝ 100 հազար դրա՞մ, 200 հազար դրա՞մ, տո մեկ մնլ դրա՞մ, խնդիր չունես, առ ու էլի ես իմ գործողությունը շարունակում եմ: Սա անտրամաբանական է, բոլոր առումներով ու գուցե հենց տրամաբանությամբ էլ նախատեսված է եղել»,- ասաց նա:
Այսօր Գագիկ Ծառուկյանի մայրիկի` Ռոզա Ծառուկյանի տարեդարձն է
Բարձրագույն դատական խորհրդի նախագահի պարտականությունները կկատարի Կարեն Թումանյանը․ որոշում
«Ռուսաստան-Հայաստան» հասարակական երկրորդ ֆորումին ընդառաջ հանդիպեցի հայ և ռուս երիտասարդների հետ․ Մ...
Փարաքարի համայնքապետը հրաժարական է ներկայացրել
Դեպի երազանք. «Երաժշտություն հանուն ապագայի» հիմնադրամի բացառիկ առաջարկը՝ երաժիշտներին և դասավանդողն...
Բացառիկ հարթակ՝ զբոսաշրջության ոլորտի համար. «Փաստ»
«Բոլոր անձինք, որոնք պատրաստ են ծառայելու Նիկոլին, պետք է կարևոր փաստ հասկանան՝ ընդամենը գործիք են, ...
Արգիշտի Քյարամյանը ևս ազատման դիմում է գրել, շուտով այդ մասին պաշտոնապես կհայտարարվի
Ucom-ի 5G ցանցը գործարկվել է 11 նոր քաղաքներում
«Կարիերայի նոր հնարավորություններ և հեռանկարներ» խորագրով կարիերայի տոնավաճառ արցախցիների համար
