Բնապահպանական իրավախախտումների համար հատուցված գումարի մեծ մասը կուղղվի բնության պահպանմանը. «Փաստ»
«Փաստ» օրաթերթը գրում է.
Բնապահպանական իրավախախտումների հետևանքով կենդանական և բուսական աշխարհին պատճառված վնասի հատուցված գումարների մեծ մասն այլևս կուղղվի հատուկ պահպանվող տարածքների և դենդրոպարկերի պահպանությանն ու վերականգնմանը:
Իրավական ակտերի նախագծերի հրապարակման միասնական կայքում օրերս «Բնապահպանական իրավախախտումների հետևանքով կենդանական և բուսական աշխարհին պատճառված վնասի հատուցման սակագների մասին» օրենքում լրացում կատարելու մասին» օրենքի նախագիծն է շրջանառության դրվել, որը մշակվել է՝ նպատակ ունենալով բնապահպանական իրավախախտումների հետևանքով կենդանական և բուսական աշխարհին պատճառված վնասի հատուցման գումարների մի մասն ուղղորդել համապատասխան տարածքների՝ այդ թվում բնության՝ հատուկ պահպանվող տարածքների, դենդրոպարկերի առավել լավ պահպանությանն ու վերականգնմանը:
Մասնավորապես օրենքի 8–րդ հոդվածը, որտեղ ասվում է, որ «գանձված գումարը ուղղվում է պետական բյուջե» փոխարինվել է հետևյալ տողով. օրենքի համաձայն` «բնապահպանական իրավախախտումների հետևանքով կենդանական և բուսական աշխարհին պատճառված վնասի հատուցման գումարը գանձվում է պետական բյուջե՝ բացառությամբ սահմանված դեպքերի»:
Օրենքի նախագծով հստակ սահմանվում է, որ բնության հատուկ պահպանվող տարածքներում, դենդրոպարկերում, անտառպուրակներում կենդանական կամ բուսական աշխարհին պատճառված վնասի հատուցված գումարի հնգապատիկից քառապատիկն ուղղվում է տվյալ՝ բնության հատուկ պահպանվող տարածքի, դենդրոպարկի կամ անտառպուրակի պահպանությանն ու վերականգնմանը, իսկ միապատիկը գանձվում է պետական բյուջե: Արհեստական անտառներում, բնակավայրերի ընդհանուր օգտագործման վայրերի ծառատեսակների և թփերի ապօրինի հատման կամ ոչնչացման դեպքում հաշվարկված վնասի տասնապատիկից իննապատիկն ուղղվում է Երևան քաղաքի բյուջե, իսկ միապատիկը` պետական բյուջե, եթե, իհարկե, վնասը պատճառվել է Երևան քաղաքում, այլ համայնքների դեպքում՝ եռապատիկից կրկնապատիկն ուղղվում է համապատասխան համայնքի բյուջե, իսկ միապատիկը` պետական բյուջե:
Նախագիծը մշակվել է Բնապահպանության նախարարության աշխատակազմի իրավաբանական վարչության կողմից և, նախագծի հեղինակների կարծիքով, դրա ընդունմամբ բնության հատուկ պահպանվող տարածքների, դենդրոպարկերի և այլ տարածքների պահպանության և վերականգնման հարցերը կկարգավորվեն ավելի լավ:
Շարունակությունը՝ «Փաստ» օրաթերթի այսօրվա համարում
Թշնամու դավադիր կրակոցը խլեց Լեոնիդ Ազգալդյանի կյանքը, բայց ոչ նրա գաղափարը․ Համահայկական ճակատ
Փաշինյանը չկարողացավ ստանալ քվեների 50%-ը՝ բոլոր խախտումներով հանդերձ․ Ավետիք Չալաբյան
Հասարակությունը հաշտ չէ ստեղծված իրավիճակի հետ․ Ատոմ Մխիթարյան
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Սամվել Կարապետյանի ընկերությունների շրջանառությունը Հայաստանի հետ ավելի շատ է, քան ամբողջ Հայաստանի ...
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
«Քրիստոնեական համերաշխություն» միջազգային իրավապաշտպան կազմակերպությունը խոր մտահոգություն է հայտնու...
Էլեկտրաէներգիայի անջատումներ Երևանի 7 վարչական շրջաններում և բոլոր 10 մարզերում
Արտաշատում մսամթերքի արտադրամասի գործունեություն է կասեցվել
