Արցախի վերադարձը պետք է դառնա ՀՀ արտաքին քաղաքականության առանցքային նպատակներից մեկը. ՀայաՔվե
«ՀայաՔվե» քաղաքացիական նախաձեռնության խորհուրդը հայտարարություն է տարածել.
«33 տարի առաջ այս օրը իր հայրենիքում արժանապատիվ ապրելու համար պայքարող Արցախի ժողովրդի ընտրյալ պատգամավորները հռչակեցին Լեռնային Ղարաբաղի Հանրապետությունը։
Արցախի ժողովրդի ազատության պայքարի վերջնանպատակը եղել և մնում է վերամիավորումը Մայր հայրենիքի հետ․ ԼՂՀ անկախության հռչակագրում տեղ է գտել հայ ժողովրդի միասնության ձգտումը՝ որպես տրամաբանական շարունակություն ՀԽՍՀ Գերագույն խորհրդի և Լեռնային Ղարաբաղի Ազգային խորհրդի 1989թ․ դեկտեմբերի 1-ի՝
ՀԽՍՀ-ի և Արցախի վերամիավորման մասին համատեղ պատմական որոշման։
Արցախի ազատության ու Մայր հայրենիքին միանալու գաղափարը դրվել է նաև Հայաստանի Հանրապետության սահմանադրա-իրավական հիմքերում։ Հայ ժողովրդի համար անկախ պետականություն ունենալու նպատակներից մեկն էլ եղել է նշված գաղափարի կենսագործումը, ինչն իր արտացոլումն է գտել ՀՀ Անկախության հռչակագրում։
«ՀայաՔվե» քաղաքացիական նախաձեռնությունը ստեղծվել է ի պաշտպանություն այդ կենսական գաղափարի։
Ուստի մենք վերահաստատում ենք մեր նվիրվածությունը Արցախի ազատության, հայ ժողովրդի միասնության հիմնարար գաղափարին, խստորեն դատապարտում ենք ՀՀ գործող վարչախմբի՝ Արցախից հրաժարվելու և այն ՀՀ ինքնիշխանությանը հակադրելու ստահոդ քաղաքականությունը և, ի լուր աշխարհի, հայտարարում ենք․
• Արցախը մեր հայրենիքն է, այն պետք է լինի հայկական, և մենք շարունակելու ենք հետևողական պայքարը Արցախի վերահայացման համար,
• Արցախի կազմակերպված հանձնումն Ադրբեջանին մեծագույն հանցանք է հայ ժողովրդի դեմ, այն պետք է իրավաքաղաքական պատշաճ գնահատական ստանա Հայաստանում տեղի ունենալիք իշխանափոխությունից հետո,
• Արցախի բռնազավթումը և հայաթափումը Ադրբեջանի կողմից նաև մարդկության դեմ ուղղված ծանր հանցագործություն է, որը պետք է միջազգային քաղաքական և քրեաիրավական գնահատական ստանա,
• Արցախի վերադարձը պետք է դառնա Հայաստանի Հանրապետության արտաքին քաղաքականության առանցքային նպատակներից մեկը, այն պետք է ուղեկցվի արցախցիների վերադարձով և իրենց հայրենիքում վերաբնակեցմամբ, ինչը հնարավոր է արցախցիների համայնքները և հավաքական ինքնությունը պահպանելու դեպքում»:
Որպես պատասխանատու քաղաքական ուժ տեր ենք և հաշվետու մեզ վստահված քվեների համար․ Մարիաննա Ղահրամանյան
Փաշինյանի հակառուսական քաղաքականության պատճառով Ռուսաստանն այլևս չի ընդումում մթերք․ հարցում
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
«Քրիստոնեական համերաշխություն» միջազգային իրավապաշտպան կազմակերպությունը խոր մտահոգություն է հայտնու...
Արտաշատում մսամթերքի արտադրամասի գործունեություն է կասեցվել
Ոստիկանները ձերբակալել են հետախուզվողի․ հայտնաբերվել է մարտական ատրճանակ ու գաղտնի փականով դանակ
Ավետիք Չալաբյանի ձերբակալությունը բիրտ քաղաքական բռնաճնշում է
Թուրքիան բարձր է գնահատում Ադրբեջանի և Հայաստանի միջև բանակցային գործընթացը և խաղաղ բանակցություններ...
