Հայաստանը դիմել է ԱՄՆ-ին ատոմակայանի հարցով
Հայաստանում նոր ատոմակայան կառուցելու հարցում ՀՀ գործող իշխանությունները կողմնորոշվել են։ Արտաքին քաղաքական վեկտորը փոխելու իրենց քայլերի տրամաբանության մեջ որոշել են դիմել ԱՄՆ-ին՝ 123-րդ համաձայնագրին միանալու համար, ինչը թույլ կտա ստանալ ամերիկյան միջուկային քաղաքացիական տեխնոլոգիաներ։ Տեղեկությունը հայտնել է ԱՄՆ պետդեպի խոսնակը։ Նրա խոսքով, ամերիկյան կառավարությունը չի բացահայտում բանակցային գործընթացի մանրամասները, բայց Պետդեպը պատշաճ ուշադրություն է դարձնում Հայաստանի դիմումին 123-րդ համաձայնագրին միանալու համար։
Ամերիկյան դաշնային օրենքի համաձայն՝ այլ երկրներին միջուկային տեխնոլոգիաներ փոխանցելու համար պահանաջվում է ստորագրել Ատոմային էներգիայի գործակալության ակտի 123-րդ բաժինը։ Թարմացված վերջին տվյալներով՝ Վաշինգտոնը նման համաձայնություններ ունի 48 երկրների և տարածքների հետ։ Եթե Հայաստանը միանա այդ օրենքին, այն կարող է ճանապարհ բացել Հայաստանում ամերիկյան ատոմակայան բացելու համար։
Դեռ մայիսին Երևանը հայտնել էր, որ նոր ատոմակայանի կառուցման հարցով բանակցություններ է վարում Միացյալ Նահանգների, Ռուսաստանի և Հարավային Կորեայի հետ։ Հուլիսի սկզբին Հայաստանի անվտանգության խորհրդի քարտուղար Արմեն Գրիգորյանն, անդրադառնալով նոր ատոմակայանի կառուցմանն, ասել էր, որ պրոցեսն առարկայական փուլ է մտել․ Երևանը Վաշինգտոնի հետ իրավապայմանագրային դաշտի կարգավորումն է քննարկում՝ նշելով, որ այս պահին գնդակն Ամերիկայի դաշտում է։
Ռուսաստանը չափազանց խանդոտ է այս հարցում, պնդում է, որ նոր ռեակտորը կառուցի ռուսական կողմը՝ ռուսական տեխնոլոգիաներով։ Ռուսաստանն այժմ արդիականացրել է Մեծամորի ատոմակայանի աշխատանքը՝ այն երկարաձգելով մինչև 2036 թվականը։ Մինչ այդ նոր ատոմակայանը պետք է կառուցված լինի։
Ատոմային էներգետիկան ոչ միայն տնտեսական, այլև քաղաքական բաղադրիչ ունի, և նոր ատոմակայանի համար ոչ թե ՌԴ-ին, այլ ԱՄՆ-ին դիմելու փաշինյանական վարչախմբի որոշումը հերթական քայլն է հայ-ռուսական հարաբերությունների վատթարացման ճանապարհին։
Քնար Մելքումյան
Որպես պատասխանատու քաղաքական ուժ տեր ենք և հաշվետու մեզ վստահված քվեների համար․ Մարիաննա Ղահրամանյան
Փաշինյանի հակառուսական քաղաքականության պատճառով Ռուսաստանն այլևս չի ընդումում մթերք․ հարցում
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
«Քրիստոնեական համերաշխություն» միջազգային իրավապաշտպան կազմակերպությունը խոր մտահոգություն է հայտնու...
Արտաշատում մսամթերքի արտադրամասի գործունեություն է կասեցվել
Ոստիկանները ձերբակալել են հետախուզվողի․ հայտնաբերվել է մարտական ատրճանակ ու գաղտնի փականով դանակ
Ավետիք Չալաբյանի ձերբակալությունը բիրտ քաղաքական բռնաճնշում է
Թուրքիան բարձր է գնահատում Ադրբեջանի և Հայաստանի միջև բանակցային գործընթացը և խաղաղ բանակցություններ...
