Իշխանությունը գրեթե ողջ կազմով արձակուրդի մեջ է
Հայաստանի բարձրագույն իշխանությունը գրեթե ամբողջ կազմով արձակուրդ է մեկնել, ընդ որում, տևական ժամանակով։ Վարչապետի պաշտոնը զբաղեցնող Նիկոլ Փաշինյանն արձակուրդի մեջ է լինելու հուլիսի 15-ից օգոստոսի 10-ը։ ԱԺ նախագահ Ալեն Սիմոնյանն արձակուրդի մեջ է քսան օր։ Նրա տեղակալներն էլ փոխնիփոխ կհանգստանան՝ ընթացքում փոխարինելով միմյանց։
Արձակուրդի մեջ են նախարարները, փոխվարչապետներից Մհեր Գրիգորյանը։ Կառավարությունում միակ աշխատողն այս պահին Տիգրան Խաչատրյանն է, նա էլ հանգստի է մեկնելու օգոստոսի մեջ։ Արձակուրդի մեջ են նաև այլ, ավելի փոքր տրաչամափի ՔՊ-ականները, որոնց մեծ մասն արձակուրդն անցկացնելու է արտերկրում։ ՔՊ-ն լիաթոք հանգստանալու որոշում ընդունեց, երբ պարզ դարձավ, որ Բագրատ արքեպիսկոպոս Գալստանյանի գլխավորած շարժումն արդեն վտանգ չի սպառնում իրենց իշխանությանը։ Վտանգներ, իհարկե, կան, Ադրբեջանից, բայց դա, թերևս, քիչ է հետաքրքրում Փաշինյանին ու իր թիմին։
ԱԺ պատգամավոր, անվտանգային հարցերով փորձագետ Տիգրան Աբրահամյանի գնահատմամբ, մեկ ամիս առաջ երկրի ԱԳՆ-ն հայտարարություն է անում, որտեղ խոսվում է նոյեմբերից հետո Ադրբեջանի հնարավոր ագրեսիայի սանձազերծման մասին, իսկ նույն երկրում պատերազմական ժամանակ գերագույն հրամանատարի կարգավիճակ ունեցողը, պատերազմական անոնսից մի քանի շաբաթ հետո, շուրջ մեկ ամսով արձակուրդ է մեկնում:
«Սա իշխանության անլրջության, անպատասխանատվության, անգործության, արկածախնդրության լավագույն ցուցիչն է: Կա´մ իշխանությունը խոստովանում է, որ ժողովրդին պատերազմի շանտաժով նոր փորձության է նախապատրաստում, կա´մ իշխող կառավարիչը նոր արհավիրքին ընդառաջ, անհրաժեշտ միջոցառումների, գործողությունների պլանի իրագործման փոխարեն իրեն նվիրում է հեծանվավազքին ու շրջագայություններին` պետությունը հերթական անգամ թողնելով բախտի քմահաճույքին»,- նշել է պատգամավորը:
Մանան Սարգսյան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
