Փաշինյանի անհեթեթ մտքերն ու իրականության հետ խզումը
Կպչուն և վտանգավոր գաղափարները Նիկոլ Փաշինյանի գլխում բույն դնելուց հետո համառորեն իրականություն են դառնում, իսկ սեփական ու իր թիմի տգիտությունն ի ցույց դնելը վաղուց արդեն վարչապետի պաշտոնը զբաղեցնող անձի համար սովորական երևույթ է։ Հայաստանի կառավարությունն այսօր որոշում է կայացրել «Հայոց պատմություն» առարկան դպրոցներում այսուհետ դասավանդել «Հայաստանի պատմություն» անվամբ։
ԿԳՄՍ նախարար Ժաննա Անդրեասյանը մանրամասնել է, որ ծրագրի բովանդակության մեջ հիմնականում շեշտադրվելու են պետականության վերականգնմանը, արժևորմանը և պահպանմանը վերաբերող փաստերը, պատմական իրողությունները, իրադարձությունները․ Ինքը՝ Փաշինյանը հայտարարել է, թե «Հայաստանի պատմությունը» պետության գոյության զարգացման պատմությունն է՝ պետության չգոյության դրվագներով, իսկ «Հայոց պատմությունը» պետության չգոյության պատմությունն է՝ պետության գոյության դրվագներով:
«Մենք մեր ռազմավարության ու քաղաքականության հիմքում դնում ենք պետականությունը, անկախությունն ու ինքնիշխանությունը: Պետք է արձանագրեմ, որ պետությունը բոլորովին ուրիշ մտածողություն է, պետությունը բոլորովին ուրիշ մշակույթ է, պետությունը բոլորովին ուրիշ հայեցակետ է ու պետք է մենք ուժ ունենանք խոստովանելու ու առերեսվելու, որ այդ մտածողությունը միշտ չէ ու ամենուր չէ, որ հասանելի է մեզ»,- խրոխտ տոնով ասել է Փաշինյանը։
Հենց նույն այդ Փաշինյանի ջանքերի գնով է, որ այսօր Հայաստանը գրեթե կանգնած է պետականության կորստի առջև, համատարած կոռուպցիան, անփութությունը, պետության խնդիրների տարրական չիմացությունը դարձել են այս վարչախմբի այցեքարտը, իսկ խնդիրները լուծելու փոխարեն վարչախումբը զբաղված է «իրական ու պատմական Հայաստանների» փնտրտուքով, «Հայոց պատմությունը» «Հայաստանի պատմություն» դարձնելով, այլ անհեթեթ գաղափարներ տարածելով։
Սկզբի համար նախ պետք է ամենահասարակ խնդիրները լուծել, մարդկանց անվտանգությունը, ասֆալտի որակն ու մետրոյի ժետոնները, արդար դատական համակարգն ու ոստիկանության ապօրինությունների կանխումը։ Այսօր կրկին վթարվել է զինվորներ տեղափոխող մեքենա, երկու զինծառայող է զոհվել, երեքը վիրավորվել են։
Տարիներ շարունակ փաշինյանական վարչախումբը չի կարողանում ապահովել զինվորների անվտանգ տեղափոխումը, մի քանի սարքին մեքենա չեն կարողանում գնել, բայց հաճույքով ճամարտակում են վեհ գաղափարներից։
Ձյուն գար ձեր ուղեղներին, եթե ունեք, իհարկե...
Էլմիրա Սարգսյան
Այսօր Գագիկ Ծառուկյանի մայրիկի` Ռոզա Ծառուկյանի տարեդարձն է
Բարձրագույն դատական խորհրդի նախագահի պարտականությունները կկատարի Կարեն Թումանյանը․ որոշում
«Ռուսաստան-Հայաստան» հասարակական երկրորդ ֆորումին ընդառաջ հանդիպեցի հայ և ռուս երիտասարդների հետ․ Մ...
Փարաքարի համայնքապետը հրաժարական է ներկայացրել
Դեպի երազանք. «Երաժշտություն հանուն ապագայի» հիմնադրամի բացառիկ առաջարկը՝ երաժիշտներին և դասավանդողն...
Բացառիկ հարթակ՝ զբոսաշրջության ոլորտի համար. «Փաստ»
«Բոլոր անձինք, որոնք պատրաստ են ծառայելու Նիկոլին, պետք է կարևոր փաստ հասկանան՝ ընդամենը գործիք են, ...
Արգիշտի Քյարամյանը ևս ազատման դիմում է գրել, շուտով այդ մասին պաշտոնապես կհայտարարվի
Ucom-ի 5G ցանցը գործարկվել է 11 նոր քաղաքներում
«Կարիերայի նոր հնարավորություններ և հեռանկարներ» խորագրով կարիերայի տոնավաճառ արցախցիների համար
