Մեր խնդիրն է առաջիկա մրցաշրջանում դառնալ Առաջին խմբի հաղթող. «Սյունիք» ֆուտբոլային ակումբի գլխավոր մարզիչ
«Սյունիք» ֆուտբոլային ակումբը ՀՖՖ-ից ստացել էր Հայաստանի բարձրագույն առաջնությունում խաղալու հնարավորություն տվող արտոնագիր, սակայն, ակումբը որոշել է ևս մեկ տարի հանդես գալ Հայաստանի Առաջին խմբի առաջնությունում։
News.am–ի հետ զրույցում թիմի գլխավոր մարզիչ Արամ Ոսկանյանն ընդգծել է, որ ակումբի ղեկավարությունը լուրջ նպատակներ է դրել մարզչական շտաբի առջև։
«Մեր խնդիրն է առաջիկա մրցաշրջանում դառնալ Առաջին խմբի հաղթող։ Եթե ավելի հեռուն նայենք, մեր նպատակն է, որ Պրեմիեր լիգայում էլ լինենք մրցունակ, որը պատվաբեր կլինի ինչպես Կապանի, այնպես էլ Սյունիքի մարզի համար։ Մեզ համար կարևոր է, որ խաղանք մեր քաղաքում և հետագայում նաև եվրոպական թիմերին ընդունենք այստեղ։ Ֆուտբոլը երկարաժամկետ ծրագրման սպորտաձև է, չես կարող 1-2 ամսում հասնել մեծ արդյունքների։ Դրա համար մենք քայլ առ քայլ պետք է շարժվենք դեպի մեր նպատակները, որոնք, ինչպես տեսնում եք, շատ հավակնոտ են», - ասել է նա։
Ոսկանյանի խոսքով, ակումբի ղեկավարությունը լուրջ ուշադրություն է դարձնում մարզում մանկապատանեկան ֆուտբոլի զարգացմանը՝ չսահմանափակվելով միայն Կապան քաղաքով. «Մեր ղեկավարությունը մարզի տարբեր քաղաքներում ֆուտբոլային դպրոցներ է կառուցում։ Նաև նշեմ, որ մեր մանկապատանեկան թիմերից մի քանի ֆուտբոլիստ իր նորամուտը նշեց գլխավոր թիմում և բավականին լավ հանդես եկան ու ժամանակի ընթացքում կհամալրեն հիմնական կազմը»։
ԶՊՄԿ-ի գլխավոր տնօրենի առաջին տեղակալ, «Սյունիք» ՖԱ գործադիր տնօրեն Վարդան Ջհանյանն ընդգծել է, որ ընկերությունն իր սոցիալական զարգացման ծրագրերում մեծ տեղ է հատկացնում սպորտին, քանի որ ֆուտբոլն իր այս առաքելությամբ յուրահատուկ տեղ է զբաղեցնում՝ ներառելով մեծ թվով մասնակիցների և հնարավորություն տալով ներգրավել հարյուրավոր պատանիների և երիտասարդների։
«Օրինակ՝ մեր համայնքներից ավելի քան 400 պատանի է մարզվում պատանեկան ակումբի շրջանակներում։ Ֆուտբոլը ծախսատար սպորտ է և միայն երիտասարդների և երեխաների շրջանում սպորտի զարգացման մեջ ներդրումներով է հնարավոր նպաստել հայկական ֆուտբոլի վերածնունդին։ Թերևս ԶՊՄԿ-ն և բոլոր խոշոր ընկերությունները կարող են նման ներդրումներով այդ առաքելության մաս դառնալ։ Մենք դա անում ենք հենց այդ մղումով և, իհարկե, մեր համայնքներում սպորտին և առողջ ապրելակերպին նպաստելու առաքելության շրջանակներում», - նշել է նա՝ հավելելով, որ ընթացիկ տարում ծրագրվում է Կապանի ֆուտբոլային դպրոցին միացնել Քաջարանի, Սիսիանի Ագարակի և Մեղրիի ֆուտբոլային դպրոցները, իսկ հետագայում նաև Գորիսինը։
Որպես պատասխանատու քաղաքական ուժ տեր ենք և հաշվետու մեզ վստահված քվեների համար․ Մարիաննա Ղահրամանյան
Փաշինյանի հակառուսական քաղաքականության պատճառով Ռուսաստանն այլևս չի ընդումում մթերք․ հարցում
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
«Քրիստոնեական համերաշխություն» միջազգային իրավապաշտպան կազմակերպությունը խոր մտահոգություն է հայտնու...
Արտաշատում մսամթերքի արտադրամասի գործունեություն է կասեցվել
Ոստիկանները ձերբակալել են հետախուզվողի․ հայտնաբերվել է մարտական ատրճանակ ու գաղտնի փականով դանակ
Ավետիք Չալաբյանի ձերբակալությունը բիրտ քաղաքական բռնաճնշում է
Թուրքիան բարձր է գնահատում Ադրբեջանի և Հայաստանի միջև բանակցային գործընթացը և խաղաղ բանակցություններ...
