Հայաստանում հիմնադրվել է աերոտիեզերական մեքենաշինության դպրոց
44-օրյա պատերազմի հերոս Արեն Մեհրաբյանի երազանքը Հայաստանում աերոտիեզերական մեքենաշինության ստեղծումն էր։ Ապագա աստղաֆիզիկոսը կիսատ թողնելով ուսումը, Միացյալ Նահանգներից վերադարձել էր Հայաստան...
Արենի երազանքը կյանքի կոչելու համար տղայի ծնողները որոշեցին իրականացնել կրթական ծրագիր՝ հնարավորություն տալով շատ երիտասարդների համապատասխան ոլորտներում ստանալ անվճար կրթություն։ Դասընթացները իրականացվում են հերոսի անունը կրող «Արեն Մեհրաբյան» հիմնադրամում։
«Արեն Մեհրաբյան» բարեգործական հիմնադրամը «Ստեփան Գիշյան» բարեգործական հիմնադրամի ամենամյա դրամաշնորհային ծրագրի շահառուներից է. ձեռք են բերվել հատուկ տպիչներ՝ եռաչափ մոդելավորման դասընթացների կազմակերպման նպատակով։
««Արեն Մեհրաբյան» բարեգործական հիմնադրամը բացի աերոինժեներությունից իրականացնում է նաև եռաչափ մոդելավորման դասընթաց և անհրաժեշտ սարքավորումների ձեռքբերման համար դիմել էր «Ստեփան Գիշյան» բարեգործական հիմնադրամին, որպեսզի երիտասարդները կարողանան տեսական գիտելիքները պրակտիկ օգտագործել հենց տեղում»,- նշել է «Ստեփան Գիշյան» բարեգործական հիմնադրամի տնօրեն Աննա Գիշյանը:
«Հիմնադրամում կրթությունն անվճար է, մեր շահառուները բոլոր նրանք են, ովքեր երազում են մասնագիտանալ աերոտիեզերական մեքենաշինության ոլորտում: Մենք մեր գործունեությունը սկսեցինք 2021թ.-ի հոկտեմբերին. այդ ժամանակ դասընթացները պատերազմից վերադարձած երիտասարդների և պատերազմում զոհված մեր տղաների ընտանիքների անդամների համար էին։ Դիմեցինք «Ստեփան Գիշյան» հիմնադրամին և շահեցինք այս դրամաշնորհը, որի միջոցով գնել ենք չորս եռաչափ տպիչներ»,- նշել է «Արեն Մեհրաբյան» բարեգործական հիմնադրամի համահիմնադիր, փոխտնօրեն Սաթիկ Նայիրյանը։
«Արեն Մեհրաբյան» բարեգործական հիմնադրամը արագացված դասընթացների միջոցով պատրաստում է մասնագետներ, ովքեր կարող են լուծել աերոտիեզերական բնագավառի խնդիրները և Հայաստանը դարձնել տիեզերական արդյունաբերության առաջատար:
«Ստեփան Գիշյան» բարեգործական հիմնադրամը ստեղծվել է Ակբա բանկի, ֆրանսիական Կրեդիտ Ագրիկոլ, Կրեդիտ Ագրիկոլ Ազգային Ֆեդերացիայի և Գիշյան ընտանիքի կողմից: Հիմնադրամի ծրագրերն ուղղված են հայ-ֆրանսիական կապերի ամրապնդմանը, Հայաստանի սոցիալ-տնտեսական, գիտակրթական, մշակութային, առողջապահական համակարգերի բարելավմանն ու կատարելագործմանը:
Մանրամասն՝ տեսանյութում։
Նոր ցուցադրությամբ եզրափակվեց Գեղարվեստական տպագրության Երևանյան Միջազգային Բիենալեն
Իրավական տեսանկյունից անհերքելի փաստ է, որ Սամվել Կարապետյանը ենթարկվում է ամենաինտենսիվ քաղաքական հ...
Մենք ունենք պետություն հայ-ռուսական հարաբերությունների շնորհիվ. Մհեր Ավետիսյան
AxelMondrian-ը 2025թ ընթացքում արժանացել է երեք միջազգային հեղինակավոր մրցանակների՝ բրենդինգի, հանրա...
Փաշինյանը հատեց վտանգավոր սահմանագիծը․ Ռուսաստանի թեմը՝ Հայ առաքելական Սուրբ Եկեղեցու միացյալ կենտրո...
Քաղաքական ճգնաժամի նոր փուլ․ ինչի հետևանք է Վաշինգտոնի հուշագիրը
Կարապետյանական ոճը սա է․ անդրադարձ Լոռու մարզի ամենամեծ ծննդատանը
Հայաստանի կալանավայրերը լի են դատավճիռ չունեցող մարդկանցով․ Ավետիք Չալաբյան
Գ. Ծառուկյանի հազարից ավելի թիմակից Գյումրիում հարգանքի տուրք մատուցեցին երկրաշարժի զոհերի հիշատակին
ԱրարատԲանկը ճանաչվել է 2025թ․ լավագույն ենթապահառու բանկ՝ ըստ Global Finance ամսագրի
