Մեզ Կիրանց թողած ոստիկանների պարգևավճարները կտրել են. Բագրատ Սրբազան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Տեղեկություններ ունենք, որ վերջերս Կիրանցում մեզ գյուղ թողած ոստիկանների պարգևավճարները կտրել են, ասել են՝ ինչի՞ եք թողել, որ մտնեն: Այս մասին այսօր ՆԳՆ-ի դիմաց իրականացվող ակցիայի ժամանակ ասաց Բագրատ Սրբազանը՝ հավելելով, որ այդ մասին մի քանի տարբեր աղբյուրներից է տեղեկացել:

«Մեր ոստիկանության ներքին շարքերում հիմնականում նորմալ մարդիկ են: Ցավ ունեցող, հոգի ունեցող մարդիկ են, որոնց ևս անիրավ կերպով ճնշում են ՝ թե՛ ֆինանսական, թե՛ բարոյական իմաստով»,-ասաց Բագրատ Սրբազանը:

Անդրադառնալով լրագրողի հարցին, թե Սարդարապատի համալիրում տեղի ունեցած վերջին դեպքերից հետո հասարակության մեջ կարծիք է ձևավորվել, թե Հայաստանում երկիշխանություն է, Բագրատ Սրբազանն ասաց.

«Հայաստանում ոչ թե երկիշխանություն է, այլ իշխանություն չկա: Կան չորսոտանի աթոռի վրա նստած մարդիկ, մարդիկ, որոնք մարմիններն են մեծացրել, մարդիկ, որոնք տղամարդկություն չունեն: Մենք ուղղակի քայլ առ քայլ արձանագրում ենք այդ ամենը: Մենք օր օրի հասնում ենք նրան, որ իրենք ռիսկ չունենան երևալու ժողովրդի մեջ: Էս ոստիկանական շարքերը, պատնեշները, էս տղերքին ամեն անգամ խմբերով տեսնում ենք ինչ-որ տեղերում: Հիմա գնացե՛ք ազգային ժողով, տեսե՛ք քանի հազար ոստիկան կա հավաքված: Սա հեծանիվով ման եկող մարդու համար նորմա՞լ է»:

«Մարդիկ հազիվ ծայրը ծայրին հասցնում են, բայց հարկերը վճարում են, ու դա գնում ա քո որովայնը: Դու դրա համար պատասխան պիտի տաս: Հիմա եթե մարդկանց ասում ես դուրս չեմ գալիս, թաքնվել ես պատերի ներսում ու ոստիկանական շարքերի հետևում, նշանակում է՝ դու արդեն փչացել ես, քեզ պիտի բանի տեղ չդնեն»,-ասաց Բագրատ Սրբազանը՝ դիմելով Վահե Ղազարյանին: