ՊՆ-ն կորցրել է չափը. կոչումներ՝ ինչի՞ դիմաց
Հայաստանի պաշտպանության նախկին նախարարներից մեկն օրեր առաջ հայտնել էր, որ Տավուշի սահմանային դիրքերից հայկական զորքերի հետքաշն իրականացվել է գրավոր հրամանի հիման վրա, իսկ այդ հրամանը տվող զինվորականին առաջիկայում գեներալի կոչում են տալու։
Հայաստանի պաշտպանության նախարարությունը ոչ հերքել, ոչ էլ որևէ մեկնաբանություն էր արել այդ կապակցությամբ։
Նախագահ Վահագն Խաչատուրյանը երեկ, մայիսյան տոների կապակցությամբ, զինվորական կոչումներ է շնորհել 5 զինվորականների՝ այդ թվում նաև նշված զորամիավորման հրամանատար, գնդապետ Ալեքսանդր Ցականյանին, ով այլևս գեներալ-մայոր է։
Լրատվամիջոցները և սոցիալական ցանցերը բնականաբար այսպիսի բարեհաճությունը նշված զորամիավորման հրամանատարի նկատմամբ գնահատել են որպես հայկական զորքերը հետ քաշելու և Փաշինյանի ապօրինի հրահանգները կատարելու պարգևատրում, ինչը ոչ միայն օբյեկտիվ, այլ նաև չափազանց ճշմարիտ է։
Սովորաբար նման դեպքերում լուռ, պաշտպանության նախարարությունը երեկ զայրալից մի տեքստ է տարածել։ «Որոշ շրջանակների համակարգմամբ որոշ անձինք ԶՈՒ ղեկավար կազմի ներկայացուցիչների գեներալ-մայորի կոչում ստանալու կապակցությամբ առերևույթ կազմակերպված կերպով իրականության հետ որևէ աղերս չունեցող մեղադրանքների և զրպարտությունների տարրեր պարունակող հրապարակումներ են կատարել»,- գրել է պաշտպանության նախարարությունը։
Մի կողմից այս ձևակերպումները դուրս են ընդհանրապես պաշտոնական էթիկետի սահմաններից, միևնույն ժամանակ հենց վկայում են նման տեղեկությունների ճշմարտացի լինելու հանգամանքը։ Ի վերջո, փաշինյանական վարչախումբը վաղուց ապացուցել է՝ պետք է լսել նրանց և հասկանալ հակառակը։
Անահիտ Սարատիկյան
Այսօր Գագիկ Ծառուկյանի մայրիկի` Ռոզա Ծառուկյանի տարեդարձն է
Բարձրագույն դատական խորհրդի նախագահի պարտականությունները կկատարի Կարեն Թումանյանը․ որոշում
«Ռուսաստան-Հայաստան» հասարակական երկրորդ ֆորումին ընդառաջ հանդիպեցի հայ և ռուս երիտասարդների հետ․ Մ...
Փարաքարի համայնքապետը հրաժարական է ներկայացրել
Դեպի երազանք. «Երաժշտություն հանուն ապագայի» հիմնադրամի բացառիկ առաջարկը՝ երաժիշտներին և դասավանդողն...
Բացառիկ հարթակ՝ զբոսաշրջության ոլորտի համար. «Փաստ»
«Բոլոր անձինք, որոնք պատրաստ են ծառայելու Նիկոլին, պետք է կարևոր փաստ հասկանան՝ ընդամենը գործիք են, ...
Արգիշտի Քյարամյանը ևս ազատման դիմում է գրել, շուտով այդ մասին պաշտոնապես կհայտարարվի
Ucom-ի 5G ցանցը գործարկվել է 11 նոր քաղաքներում
«Կարիերայի նոր հնարավորություններ և հեռանկարներ» խորագրով կարիերայի տոնավաճառ արցախցիների համար
