Հիմնադրվել է Հայաստանում առաջին մյուսլի արտադրող ընկերությունը
Մասնագիտությամբ տնտեսագետ Մագդա Կարապետյանը Եվրոպայում շրջագայելուց և մյուսլիների բազմաթիվ տեսակներ փորձելուց հետո Հայաստանում հիմնադրել է առողջ նախաճաշերի պատրաստման համար նախատեսված մյուսլիներ արտադրող հայկական առաջին ընկերությունը՝ «Մորնինը»։
«Մորնին» ընկերության մյուսլիների տեսականին մեծ է՝ սկսած մանկական ու շոկոլադային տեսակներից մինչև սպորտով զբաղվողների համար հատուկ բաղադրատոմսով պատրաստված տարբերակներ։ Յուրաքանչյուր տեսակը մշակելիս սննդաբանը մյուսլիներում հատուկ չափաբաժիններով բալանսավորել է առավոտյան առողջ նախաճաշի համար անհրաժեշտ սննդակարգը։
Հայկական առաջին մյուսլիների արտադրության գործընկերն Ակբա Ֆեդերացիան է, որի աջակցությամբ Մագդա Կարապետյանը գաղափարը բիզնես դարձնելու ճանապարհին ստացել է մասնագիտական աջակցություն, գիտելիքներ ու մենթորություն։
«Հայկական չրատեսակների հիմքով ստեղծեցինք մյուսլիներ, հրավիրեցինք սննդաբանի, ով կազմեց տարբեր տեսակների համար բաղադրություն, որոնք պետք է լինեին մտածված, նպատակային և ազդեցություն ունենային մարդու օրգանիզմի և առողջության վրա։ Վերցրեցինք հայկական հիմնական չրատեսակները՝ սալոր, ծիրան, խնձոր, դեղձ և իրենց շուրջ կառուցեցինք բաղադրություն, որոնցից յուրաքանչյուրն իր նպատակային նշանակությունն ունի։ «Մորնինը» Ակբա Ֆեդերացիայի և Իմփաքթ Հաբի համատեղ ծրագրի շահառուներից է։ Մենք անցանք մեկ տարվա հետաքրքիր և բազմազան ծրագիր, որտեղ բազմաթիվ հետաքրքիր ու պրոֆեսիոնալ մենթորներ կիսվեցին իրենց գիտելիքներով, հմտություններով ու խորհուրդներով, որի համար շատ շնորհակալ եմ»,- նշել է «Մորնին» ընկերության հիմնադիր տնօրեն Մազդա Կարապետյանը:
«Մորնին» ընկերությունը նախատեսում է առաջիկայում իր արտադրանքն արտահանել։
Ակբա Ֆեդերացիան Ակբա բանկի միակ նշանակալից մասնակիցն է, բանկի բաժնետոմսերում ունի ավելի քան 81 տոկոս մասնաբաժին: Ակբա բանկում ունեցած մասնակցության շնորհիվ Ակբա Ֆեդերացիան նպաստում է Հայաստանի ողջ տարածքում գյուղատնտեսության, գյուղական շրջաններում փոքր և միջին բիզնեսի զարգացմանը, համայնքների զարգացմանը, գյուղական շրջաններում և համայնքներում բիզնես միջավայրի աշխուժացմանն ու զարգացմանը, նշված ոլորտներում ձեռնարկատիրական գործունեություն իրականացնող յուրաքանչյուր անձի բարեկեցության աճին:
Մանրամասն՝ տեսանյութում։
Այսօր Գագիկ Ծառուկյանի մայրիկի` Ռոզա Ծառուկյանի տարեդարձն է
Բարձրագույն դատական խորհրդի նախագահի պարտականությունները կկատարի Կարեն Թումանյանը․ որոշում
«Ռուսաստան-Հայաստան» հասարակական երկրորդ ֆորումին ընդառաջ հանդիպեցի հայ և ռուս երիտասարդների հետ․ Մ...
Փարաքարի համայնքապետը հրաժարական է ներկայացրել
Դեպի երազանք. «Երաժշտություն հանուն ապագայի» հիմնադրամի բացառիկ առաջարկը՝ երաժիշտներին և դասավանդողն...
Բացառիկ հարթակ՝ զբոսաշրջության ոլորտի համար. «Փաստ»
«Բոլոր անձինք, որոնք պատրաստ են ծառայելու Նիկոլին, պետք է կարևոր փաստ հասկանան՝ ընդամենը գործիք են, ...
Արգիշտի Քյարամյանը ևս ազատման դիմում է գրել, շուտով այդ մասին պաշտոնապես կհայտարարվի
Ucom-ի 5G ցանցը գործարկվել է 11 նոր քաղաքներում
«Կարիերայի նոր հնարավորություններ և հեռանկարներ» խորագրով կարիերայի տոնավաճառ արցախցիների համար
