Վարչախումբը խտրականություն չի դնում եկեղեցու դեմ պայքարում
Հայ առաքելական եկեղեցու դեմ իրենց վարած կեղտոտ քաղաքականության մեջ, գործող իշխանությունները որևէ խտրականություն չեն դնում։
Նախօրեին Ազգային ժողովի նախագահը խորհրդարանի ամբիոնից նեղսրտել է, որ Հայ առաքելական եկեղեցին հարկեր չի վճարում։ Եկեղեցուց, իհարկե, փաստերով հերքել էին, փաստել, որ եկեղեցին հազար հարկատուների ցուցակում 488-րդն է, բայց ունի որոշ հարկային արտոնություններ։
Ըստ երևույթին, փաշինյանական իշխանությունը չափազանց ծանր է տարել, որ ընդդիմադիր շարժումը ղեկավարում է Հայ առաքելական եկեղեցու սպասավորը և որոշել են ողջ թափով հարձակվել Հայ առաքելական եկեղեցու վրա։
Օրեր առաջ Բագրատ Գալստանյանը հիշեցրել էր, որ ժամանակին Հայ առաքելական եկեղեցու ունեցվածքը պետությունն առգրավել է, բարձրացրել դրանց վերադարձի հարցը։
Փաշինյանի այսօր ԱԺ-ում արած մեկանաբանությունը ոչ այլ ինչ է, քան վտանգավոր տգիտություն, որը լուրջ հետևանքներ կարող է ունենալ ոչ միայն Հայ առաքելական եկեղեցու, այլ նաև ընդհանրապես աշխարհում հայկական շահերի համար։ «Հայ առաքելական եկեղեցին այլ երկրներում նման հարցեր բարձրացնում է և մտածեցի, որ Հայաստանի և այլ երկրների պարագայում ՀԱԷ մոտեցումը գալիս և նույնանում է, ես հիշում եմ, որ հայերը Թուրքիայի դեմ այդպիսի պահանջներ ներկայացրել էր և ամենևին չեմ զարմանա, որ այդ նույն տրամաբանությամբ առաջնորդվի նաև Հայաստանի Հանրապետության նկատմամբ»,- ասել է Փաշինյանը։
Հայ առաքելական եկեղեցին աշխարհի տարբեր երկրներում մեծ ունեցվածք ունի, որոշ դեպքերում դրանք հայտնվել են այդ երկրների իշխանությունների թիրախում, ուստի Փաշինյանի այսօրվա արած հայտարարությունը ոչ միայն խարխլում է Հայ առաքելական եկեղեցու ազդեցությունը Հայաստանում, այլ նաև վնաս հասցնում արտերկրում՝ օրինակ Երուսաղեմում։ Այդ երկրների իշխանություններն այլևս Հայ առաքելական եկեղեցու հետ հարաբերվելիս իրենց հակաօրինական քայլերն արդարացնելու են Նիկոլ Փաշինյանի ելույթներով։
Փաշինյանն այսօր կրկին շարունակել է իրեն Պապ թագավորի հետ համամատելը, սա ևս տգիտություն և պատմության չիմացություն է։ Ի տարբերություն Փաշինյանի՝ Պապ թագավորը գոնե ճակատամարտ էր հաղթել, ինչպես նաև նպաստել Հայաստանի ինքնիշխանությանը։
Նունե Գրիգորյան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
