Ինչպե՞ս անիմաստ բարձրացնել Ադրբեջանի կշիռը
Խաղաղ օվկիանոսում գտնվող փոքր մի կղզի դարձել է Հարավային Կովկասում քաղաքականություն որոշող գործոններից մեկը։
Նոր Կալեդոնիա կղզում զանգվածային անկարգություններ են արդեն 5 օր շարունակ, բախումների հետևանքով կան զոհեր և հարյուրավոր վիրավորներ։ Ֆրանսիան զորք է մտցրել կղզի. բախումների առիթ էր դարձել Ֆրանսիայի Ազգային ժողովի կողմից ընդունված օրինագիծը, որով նահանգի ընտրություններում ընտրելու իրավունք է տրվում Ֆրանսիայի քաղաքացիներին` ովքեր 10 տարի և ավել ապրել են Նոր Կալեդոնիայում։ Նոր Կալեդոնիայի բնակիչները՝ կանակները, դեմ են նման զարգացմանը և համարում են, որ ֆրանսիացիները չպետք է իրենց փոխարեն ընտրություն անեն։
Իսկ ո՞րն է այստեղ տարօրինակ. Ֆրանսիայի ՆԳՆ նախարար Ժերար Դարմանենը Ադրբեջանին մեղադրել է Նոր Կալեդոնիայի ներքին գործերին միջամտելու և խաղաղօվկիանոսյան կղզում անկարգությունների հետ կապ ունենալու մեջ։
Ըստ Դարմանենի՝ ակնհայտ է, որ հենց Ադրբեջանն է սադրում և խթանում Նոր Կալեդոնիայի անջատողականներին։
Ադրբեջանի ԱԳՆ-ն էլ հայտարարություն է տարածել՝ պահանջելով պաշտոնական Փարիզի ներողությունը։ Անցած տարվա ընթացքում Ադրբեջանում մի քանի միջոցառումներ են տեղի ունեցել Նոր Կալեդոնիայի հետ կապված։ Տարբեր պատվիրակությունների հրավիրել են Ադրբեջան և Ալիևն այդ հանգամանքն օգտագործել է քարոզչական նպատակներով։ Այժմ էլ Ադրբեջանն այդ կղզում բռնկված խռովություններն օգտագործում է սեփական շահերի համար։ Տարօրինակն իհարկե, ոչ թե Ադրբեջանի, այլ հենց պաշտոնական Ֆրանսիայի պահվածքն է, որը նման հայտարարություններով հավասարվում է Ադրբեջանին։
ՄԱԿ ԱԽ 5 մշտական անդամներից մեկն արդեն իջել է այնպիսի մակարդակի, որ «չանա-չանա» կռիվ է տալիս Բաքվի հետ։ Սա ոչ այլ ինչ է, քան Իլհամ Ալիևի քաղաքական կշիռը բարձրացնելու բավականին վտանգավոր ձեռնարկ։
Հայկ Արամյան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
