ՀՀ-ում համապարփակ պաշտպանության և անվտանգության համակարգի ներդրման թեմայով «ԱՐԱՐ» հիմնադրամը հետազոտությունների դրամաշնորհ է հայտարարել
«ԱՐԱՐ» քաղաքակրթական հետազոտությունների հիմնադրամը կարևորելով Հայաստանի անվտանգության օրհասական հիմնախնդիրները հայտարարում է «Համապարփակ պաշտպանության և անվտանգության համակարգի ներդրման հեռանկարները Հայաստանում» թեմայով փորձագիտական հետազոտությունների դրամաշնորհային մրցույթ, որի նպատակն է ֆինանսավորել հետազոտություններ, որոնք կվերլուծեն համակարգի ներդրման իրագործելիությունն ու մարտահրավերները Հայաստանում:
Հետազոտության հիմնական խնդիրներն են գնահատել համակարգի ներդրման իրագործելիությունը՝ հաշվի առնելով մեկնարկային պայմաններն ու լոկալ առանձնահատկությունները։ Կներկայացվեն նաև համապարփակ պաշտպանության և անվտանգության մոդելի կիրառման առաջարկություններ՝ շեշտադրելով ռազմական պաշտպանության և ներքին անվտանգության համակարգերի առանցքային բաղադրիչները, ինչպիսիք են պահեստազորի համակարգը, տարածքային պաշտպանության մոդելը, մոբիլիզացիոն մեխանիզմները, ինչպես նաև ռազմական արդյունաբերությունը։
Համապարփակ պաշտպանությունը հայեցակարգ է (կիրառվել է նաև Total Defence անվանումով), որը դուրս է գալիս ավանդական ռազմական ռազմավարությունից և ներառում է ազգային անվտանգության ավելի լայն մոտեցում` ներառելով ոչ միայն ռազմական հատվածը, այլև ողջ հասարակությունը, այդ թվում պետական կառույցները, բիզնեսները, քաղաքացիական հասարակության կազմակերպությունները և առանձին քաղաքացիներին:
Տարբեր աղբյուրներում Համապարփակ պաշտպանությունը սահմանվում է որպես կառավարության պաշտոնական ռազմավարություն, որն իր մեջ ներառում է ողջ հասարակության մասնակցությունը՝ ազգը հնարավոր սպառնալիքներից պաշտպանելու համար: Այս ռազմավարական մոդելը կիրառվել է մի շարք երկրներում, ինչպես օրինակ Իսրայելում, Ֆինլանդիայում, Էստոնիայում, Սինգապուրում, Ավստրիայում, Շվեյցարիայում և այլն։
Դրամաշնորհին դիմել կարող են գիտահետազոտական կազմակերպությունները, փորձագիտական խմբերը և անհատ մասնագետները, որոնք ունեն պաշտպանության և անվտանգության ուսումնասիրությունների փորձ:
Առավել մանրամասն՝ «ԱՐԱՐ» հիմնադրամի կայքում, կամ կից նյութում։
Որպես պատասխանատու քաղաքական ուժ տեր ենք և հաշվետու մեզ վստահված քվեների համար․ Մարիաննա Ղահրամանյան
Փաշինյանի հակառուսական քաղաքականության պատճառով Ռուսաստանն այլևս չի ընդումում մթերք․ հարցում
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
«Քրիստոնեական համերաշխություն» միջազգային իրավապաշտպան կազմակերպությունը խոր մտահոգություն է հայտնու...
Արտաշատում մսամթերքի արտադրամասի գործունեություն է կասեցվել
Ոստիկանները ձերբակալել են հետախուզվողի․ հայտնաբերվել է մարտական ատրճանակ ու գաղտնի փականով դանակ
Ավետիք Չալաբյանի ձերբակալությունը բիրտ քաղաքական բռնաճնշում է
Թուրքիան բարձր է գնահատում Ադրբեջանի և Հայաստանի միջև բանակցային գործընթացը և խաղաղ բանակցություններ...
